ETCSLtransliteration : c.2.5.4.02 ETCSL homepage

An adab to Bau for Icme-Dagan (Icme-Dagan B)

1. nin ni2 guru3 mah zu an ki nam-nir-ra cu du7
2. ama dba-u2 gu2-gal nin-e-[ne] ur-saj X X
3. dijir er9 me mah-a cu du7 /saj\ il2 umuc? gal LU?
4. su4-un-su4-na munus zid nin gal-an-/zu\ cag4-ta umun2 ak
5. dumu an-na mas-su2 inim pad3-de3 nij2-nam cu-ni si
6. nin a-zu gal saj gig2-ga lu2 til3-le lu2 u3-tud
7. cu-hal-bi cim-mu2 uj3 lu-a X X X X X
8. cag4-la2 tuku arhuc2 sud kalam-ma nin nij2-gen6?-[na]
9. den-lil2 lugal kur-kur-ra-[ke4]
10. dnu-nam-nir en nam tar-re-[de3]
11. ec3 nibruki dur-an-ki-a-ka gal-bi bi2-in-[dug4]
12. e2-kur za-gin3-na mi-ni-im-mah-en IGI RA X
13. sa-par3 kalag-ga dnu-nam-nir-ra-[me-en]
14. an-gub-ba e2-kur-ra-ka cukur2 cum2-mu jectin za-a-[kam]
15. den-lil2-la2 e2-gi4-a mah-a-ni-me-en a gub-ba-ni-[me]-/en\
16. su4?-na cita-ba ki la2-a-zu-uc
17. dnu-nam-nir nun kur-kur-ra-ke4
18. nam-saj-tun3 mah an ki cu-zu im-mi-in-kur9
19. mu-un-il2-en nam-nin ec3 numun i za-ra mu-ra-an-cum2
20. a-a ugu-zu an dijir mah-e tug2 tug2-ba13 tug2 mi-ri-in-mu
21. ur-saj den-lil2-la2 dnin-jir2-/su\ /nitalam\-ce3 ma-ra-an-cum2
22. e2-ninnu iri-kug ec3 numun i saj-/e-ec\ mu-ri-rig7
23. lagacki jir2-suki /dim\ gal kalam-ma-ka
24. e2-jalga-sud ki-tuc ki aj2-za
25. tar-sir2-sir2 e2 nam-nin-a-ka barag mah-zu mi-ni-ri
26. ki-tuc mah-zu-ce3 dijir ki lagacki-a im-ci-gam-e-de3-ec
27. nin zag dib me-ni cu nu-tej3-ja2
28. dumu an-na nin gal nij2-nam zu
29. cul me-dim2 sag9 nun dic-me-dda-gan dumu den-lil2-la2-ke4
30. ki-sikil ama dba-u2 igi zid mu-ci-bar nam dug3 mu-ni-tar ud til3-la e3-a-ce3
31.     sa-gid2-da-am3

32. ama dba-u2 nun dic-me-dda-gan dumu den-lil2-la2-ra nam-til3 ud su3-ra2 cum2-mu-dam
33.     jic-gi4-jal2 sa-gid2-da-[bi-im]

34. e2?-nam-til3-la e2 den-lil2-la2-ce3
35. sila4 babbar udu inim-jar sag9-ga gaba-na im-mi-tab
36. nun dic-me-dda-gan za-e im-me-ni-kur9
37. KI.LUGAL.GUB nam-til3-la-da im-da-e-gub
38. kur gal den-lil2-ra KA ki mu-ne-jal2
39. a-a dmu-ul-lil2 u3-mu-un gal kur-kur-ra
40. dic-me-dda-gan-na na-aj2 de3-eb2-tar mu-ni de3-eb2-pad3 e-ne-er mu-ne-dug4
41. den-lil2 lugal kur-kur-ra-ke4 igi nam-til3-la saj-ki zalag-ga-ni mu-un-ci-in-bar
42. dic-me-dda-gan-na nam mu-ni-ib2-tar-re
43. jicgu-za me ur4-ur4 aga zid ud su3-ra2-a jidru uj3 gen6-ne2 us2 1(AC)-a lah4!-lah4!-e
44. nun dic-me-dda-gan nam-e-ec he2-tar
45. id2idigna id2buranuna-e he2-jal2 a-ectubku6 hu-mu-ra-ab-tum3 {gun2-bi ha-ra-gid2-e} {(1 ms. has instead:) kun X [...]}
46. gu2-gu2-bi u2-cim hu-mu-ra-an-mu2 asila ha-ra-ab-la2
47. pu2-jickiri6-ba lal3-e jectin-e ki hu-mu-ra-ni-ib2-us2
48. a-gar3 zid-bi ce gu-nu ha-ra-ab-mu2 guru7-bi ha-ra-dub-dub
49. tur3 ha-ra-du3-du3 amac ha-ra-dajal-dajal
50. nam-lugal-la mu hu-mu-ni-mah
51. nam-nun-na saj an-ce3 he2-ni-il2
52. sig igi-nim kur-zag til-la-bi gu2-un ha-mu-ra-ab-il2
53. kisal mah nun ud-gin7 dalla he2-ni-in-e3
54. nidba-zu e2-kur za-gin3-na muc nam-ba-an-tum3-mu
55. den-lil2-le nam-ce3 mu-ni-in-tar
56. lugal-la e2-kur-ta a2 mah mu-na-cum2
57. nir mu-un-jal2 inim den-lil2-la2-ta gaba-cu-jar nu-mu-un-tuku
58. jiri3 il2-il2-la im-gub-gub-be2
59. e2-gal mah ki-tuc nam-lugal-la-ka im-ma-da-an-ku4-/ku4\
60. barag kug za-gin3-na dur2 bi2-in-jar e2-gal mu-un-[...]
61.     sa-jar-[ra-am3]

62. munus zid dumu an-na den-lil2 gu3 ma-[ra-de6] barag kug za-[gin3 ...-ab-be2]
63. ki-sikil ama dba-u2 dumu an-na den-lil2 [gu3] ma-ra-de6 barag kug [za-gin3 ...]-ab-be2
64. dic-me-dda-gan dumu den-[lil2-la2]-ra nam-til3 ud su3-ra2 saj-e-[ec] rig7-a-ni-ib
65.     u19-ru12-bi-im

66.     [a-da]-ab dba-u2-kam (lines 65 and 66 are written as one line in source)


Print sources

Falkenstein 1953, p. 99-102: translation

Römer 1965, p. 236-265: composite text, translation, commentary

Electronic sources

Krecher 1996b: composite text, translation

Tinney 1998aa: composite text

Cuneiform sources

CBS 7184 (PBS 10/2 14)

CBS 14076 r. (STVC 72) + Ni 9774 (ISET 1 152)


Revision history

03.iii.2000: GZ, editor: standardisation
16.vi.2000: JAB, editor: proofreading
16.vi.2000: GC, editor: SGML tagging
30.vi.2000: ER, editor: proofreading SGML
30.vi.2000: ER, editor: web publication
01.vi.2003: GC/JE, editor/technical developer: XML/TEI conversion
30.iii.2005: GC/JE, senior editor/technical developer: lemmatised version published

ETCSL homepage

© Copyright 2003, 2004, 2005, 2006 The ETCSL project, Faculty of Oriental Studies, University of Oxford
Updated 2006-12-19 by JE

University of Oxford