ETCSLtransliteration : c.2.5.4.11 ETCSL homepage

A hymn to Inana for Icme-Dagan (Icme-Dagan K)

1. ki-sikil dinana dumu dsuen-na-ka
2. me kalam-/ma dirig\ nij2-nam-e sa2 di
3. an-na me dab5-dab5-be2 ki-a me ur4-ur4-e
4. il2-la dib? saj an-ne2 us2-e
5. me-lem4-a-ni izi sud-e il2-la-gin7 ji6 u3-na bi2-gen6
6. dijir na-me gaba-ri-ni-ce3 nu-gub-bu e-ne-ra im-ma-zal
7. dinana-ra an tuku4-tuku4-e ki sag3-sag3-ge
8. ub-da 4-ba cu-ni jal2-le nam-nin gal-bi ak
9. me3 cen-cen-e ka du8-e jic jic-e la2-e
10. nam-ur-saj-bi am sumun2-gin7 tec2-bi-da du7-du7
11. uc2 erim2-ma a-gin7 ki-e na8-na8 ad6!-bi jar-jar-e
12. erin2 gar3 dar-ra-bi nam-ra-ac cum2-mu igi-a sug2-ga-bi
13. uj3 ki-ta an-na-ce3 ed3-de3 uj3 {kur2} {(1 ms. has instead:) car2} ki cu bal-e
14. zalag ku10-ku10-ce3 du3 ku10-ku10 zalag-ce3 dib-be2
15. [den-lil2] [d]nin-lil2-bi kug dinana-ra mu-na-an-cum2-mu-uc
16. [an ki]-a gaba-ri nu-mu-ni-in-tuku-uc
17. e2 [X X] ama5 ki ja2-ja2 saj-e-ec mu-ni-in-rig7-ec
18. dam X [...]-/ce3?\ cum2-mu tec2-bi dug3-ge nam-ce3 mu-ni-in-tar-re-ec
19. ni2-tuku-na ki-tuc ki jar-ra-na cag4 zalag-ga ja2-ja2
20. ni2 nu-tuku-na e2 du3-a-na ur5 sag9-ge nu-ja2-ja2
21. nitah munus-a munus nitah-a-bi ku4-ku4 cu bal ba-a-ak
22. ki-sikil-e-ne nam-juruc-e tug2 zid-da mu4-mu4
23. juruc-e-ne nam-ki-sikil-e-ec2 tug2 gab2-bu mu4-mu4
24. (written in six short lines on the edge; must belong here on the basis of the content) X zu [nitah-e]-ne jic ?bal cu-ba? ja2?-ja2 munus-e-ne-er jictukul cum2-mu
25. eme bungu munus-e e-ne di
26. eme munus-e bungu e-ne [di ]
27. nij2 galam-ma jar-jar ja2 kur2-ra KA-ge TUM [X]
28. den-lil2 dnin-lil2-bi dinana-ra cu-ni-ce3 mu-un-jar-[re-ec]
29. e2-gal e2 nam-nin-ka-ni nu-gig an-na-ra
30. mu-na-an-du3-uc [su] zig3 im-da-ri-ec
31. jicrab3 kur-kur-ra-ka mi-ni-in-kur9-re-ec ni2 me-lem4 bi2-in-guru3-uc
32. saj gig2 cu ri-ri-e-de3 KA-bi X MA X [...]
33. di uj3 car2-ra si sa2-e-de3 zid tam-me X [...]
34. lu2 nij2-a2-zig3 ka-ga14 mi-ni-in-jal2-la-ar jar-[X]
35. kilib3-ba-bi kug dinana-ra cu-ni im-mi-in-si-[si-ec]
36. dic-me-dda-gan saj us2 muc nu-tum2-mu MU A2 X X cum2
37. den-lil2 dnin-lil2-bi nu-pad3 dam-ce3 mu-na-an-cum2-mu-uc
38. e2 dijir-re-e-ne du3-du3-de3 cukur2-ud-bi cub-cub-bu-de3
39. gi-gun4-na-bi cen-cen-e-de3 barag-bi kug-ge-de3
40. unu2-ba kurun2 lal3 /kac\ kurun-bi ud cu2-uc gen6-ne2-de3
41. dinana dic-me-dda-gan-bi
42. den-lil2 dnin-lil2-bi saj-e-ec mu-ni-in-rig7-ec
43. nibruki mah en nin-zu-gin7 dijir na-me nu-dib
44. cag4-zu-a ki-sikil dinana-ra me mu-na-ni-in-cum2-mu-uc
45. dic-me-dda-gan-me-en du-ri2-ce3 ka-ga14 mu-ni-jar

Print sources

Römer 1988a: score transliteration, translation, photograph, commentary

Electronic sources

Krecher 1996b: composite text, translation

Tinney 1998jj: composite text

Cuneiform sources

Ni 2485:1-44 (SRT 36)

UCLM 9-1914 (JCS 28 104)


Revision history

07.iii.2000: GZ, editor: standardisation
27.v.2000: JAB, editor: proofreading
08.vi.2000: GZ, editor: SGML tagging
09.vi.2000: ER, editor: proofreading SGML
09.vi.2000: ER, editor: web publication
01.vi.2003: GC/JE, editor/technical developer: XML/TEI conversion
30.iii.2005: GC/JE, senior editor/technical developer: lemmatised version published

ETCSL homepage

© Copyright 2003, 2004, 2005, 2006 The ETCSL project, Faculty of Oriental Studies, University of Oxford
Updated 2006-12-19 by JE

University of Oxford