ETCSLtransliteration : c.2.6.7.1 ETCSL homepage

A hymn to Numucda for Sin-iqicam (Sin-iqicam A)

1. en gal cag4 zid-/ta\ [nam dug3]-ge-ec tar-ra
2. dnu-muc-da [en gal cag4 zid-ta nam] /dug3-ge-ec\ [tar]-/ra\ (line erased)
3. numun kug [... a] [d]/suen\-e bi2-in!-ru-a
4. dnin-[gal]-/le\ [...] mi-ni-in-dim2-dim2
5. kur sikil-la [he2]-/jal2\-e u3-tud-da
6. gurun /kiri6 sig7-ga\ gu7-a
7. an den-/lil2-bi\ mu dug3 sa4-a
8. nin gal dnin-lil2-le mi2 zid-de3-ec dug4-ga
9. dnu-muc-da dumu nun-na muc3 me-lem4 du8-du8 (ma-lu?-u2?)
10. sumun2 gal ki-/bal\ si mul di
11. dnu-/muc\-[da] en gal
12.     cag4-ba-[tuku-am3] (lines 11 and 12 are written as one line in source and indented)

13. pirij guru5-uc bur2 me3-ce3 u3-na gub-bu
14. muc-cag4-tur3 gu2-erim2-ra ceg11 i-ni-in-gi4!
15. ucumgal /mah?\ tu6 kug-ga al-gi4?-a
16. im2-ma dub3 nu-silig-ga (line indented)
17. i-zi hu-luh-ha na-me gaba nu-ru-gu2
18. a e3-e mah pec10 ur4-ur4-re?
19. ud iri mu-un-til X X nu-mu-gi4 (line indented)
20. dijir saj-mud-jal2 gaba-cu-jar nu-tuku
21. saj-kal nam-ur-saj-ja2 a-ba e-da-sa2-am3
22. igi-zu pirij-am3 (la-bu) giri17 (ap-/pu\) muc-huc ni2 ri
23. dnu-muc-da
24.     cag4-ba-tuku /2?\-bi (lines 23 and 24 are written as one line in source and indented)

25. a2-zu sa-par3-am3 kur ce nu-/zu\-ba
26. umbin-zu umbin hu-ri2-in-na lu2 hul-jal2 ha-ha-X (i-ta-ma-/ah\)
27. nam-nir-jal2-zu-ce3 saj na-me nu-cum2-mu
28. nam-mah nam-gur4-zu ar2-re-ec ka-ge dib
29. [inim dug4]-/ga\-zu sag2 di nu-zu
30. [...]-/zu\ A /saj?\-ba du X
31. /dijir-ju10 lugal-ra kur nu-ce-ga-na cu-ni-ce3 si-bi2-ib\ (line erased)
32. dnu-muc-da nun dsuen-i-qi2-ca-am kur nu-ce-ga-na cu-ni-ce3 si-bi2-ib
33.     sa-gid2(source: su3-ud)-da jic-gi4-jal2

34. ur-saj usu er9-ra me galam-ma cu du7
35. d/nu-muc-da\ [ur-saj] /usu er9-ra\ [me] /galam\-[ma] /cu\ du7 (line erased)
36. dijir me-dim2 gud-alim? igi bar-bar-re-de3 du7
37. a-a-zu dsuen-gin7 zi til3-le ki ba-e-a-aj2
38. nij2-zid-de3 bar tam-me (ci?-te-a-[X]) nij2-erim2 ud? za-ha-al ak (tu-ha-la-aq)
39. e2-kic-nu-jal2 ki-tuc kug nam-nun-na
40. me-zu me /kal\-kal cu-luh-zu dadag-ga-am3? (X X)
41. dnu-muc-da ur-saj usu er9-<ra me galam-ma cu du7> (line indented)
42. dnu-nam-nir en nam tar-tar-re
43. kur nij2-dajal-la-ba mu-zu im-mi-in-mah
44. iri nam-he2 ki dug3-ga jar-ra
45. ka-zal-luki kur he2-jal2-la ki-cu-pec! mi-ri-in-/zu\ (ma-ha-az-ka u2-we-di-/ka\)
46. kun4-sa-tu barag nam-en-na-zu
47. inim nu-kur2-ru-da-na u3-tud-ba bi2-in-dug4
48. jic-hur ha-lam-ma-a!-bi pa e3-a ak-de3
49. iri cub-cub-bu-da-bi ki-bi gi4-gi4-de3
50. a-a den-lil2 cag4-ga-ni nam-de6
51. sipad zid lu2 jic-hur-zu ki aj2-ja2
52. nun dsuen-i-qi2-ca-am a2-bi mu-da-an-aj2
53. iri a2-dam-zu ki-tuc ne-ha bi2-in-tuc
54. id2-zu mu-ba-al-ba-al eg2 pa5! si mi-in-sa2
55. a he2-jal2 du-/ri2\-ce3 nu-til-le-da
56. kalam?-za mi-in-jar nij2-du7 pa bi2-in-[e3]
57. /inim\ sag9-sag9-ge-da-ni-ce3 igi zid bar-mu-ci-ib
58. nun dsuen-i-qi2-ca-am-ra igi zid bar-mu-ci-ib (line erased, then rewritten)
59. lugal cag4 hul2-la ud-da-ni he2-su3-ud!
60. dnu-muc-da

Print sources

Dupret 1974: score transliteration, translation, commentary

Falkenstein 1953, p. 112-114, fig. fig. 9: translation, photograph

Sjöberg 1973e, p. 107-116: composite text, translation, commentary

van Dijk 1971, pls. 17-18: handcopy (no. 38)

Electronic sources

Tinney 1998dddd: composite text

Cuneiform sources

VAT 8531 (VAS 17 38; photo obv. SAHG fig. 9)


Revision history

31.vii.1999-05.xi.1999: JAB, editor: standardisation
22.xii.1999: GZ, editor: proofreading
05.i.2000: GZ, editor: SGML tagging
07.i.2000: ER, editor: proofreading SGML
07.i.2000: ER, editor: web publication
01.vi.2003: GC/JE, editor/technical developer: XML/TEI conversion
30.iii.2005: GC/JE, senior editor/technical developer: lemmatised version published

ETCSL homepage

© Copyright 2003, 2004, 2005, 2006 The ETCSL project, Faculty of Oriental Studies, University of Oxford
Updated 2006-12-19 by JE

University of Oxford