ETCSLtransliteration : c.4.13.05 ETCSL homepage

A hymn to Nanna (Nanna E)

1. dumu nun-e ABxA kug-ta /e3\-a ba-zal-zal si i3-[...]
2. kur me sikil ec3 abzu cag4 X X dajal kur /me?\ [...]
3. ki-ur3 mah /dur2?\ [X X] /dajal?\-la [...]
4. ambar-ta me-/lem4 huc tum3 muc3 ni2\ [X X]-ge-en
5. nam-dug3-zu-ce3 nam-gal nam-mah-zu-ce3 saj im-/ma\-il2-la2
6. nam tar-re-de3-ec a2 mah mi-ni-in-sud4-un
7. nam-lugal an ki-zu an gal-e cu dajal mu-ri-in-dug4
8. nam-dumu nun gal-zu den-lil2-le nam-men! cu mi-ri-in-du7
9. nam-dijir mah den-lil2 pa e3 ma-ra-ni-in-e3
10. a DU-a a sig mah-zu-ce3 nam tar-re ki dug3 ama dug3
11. den-ki ABxA-cag4 kug-ta jiri3-zu-ce3 im-mi-in-jar
12. den-lil2 nam-mah nam-en-na mi-ni-in-tud-de3-en
13. dnanna ud-sakar-zu ud-sakar 7-bi mu pad3-da
14. den-lil2 an ki-ka mu-zu mu kug-ga mu mi-ri-in-pad3
15. dumu nun-e nam-gal-zu an ki-a pa e3 im-mi-in-e3
16. unken mah nam den-lil2-la2-na saj-e-ec mu-ra-an-rig7
17. den-ki-ke4 ki ec3 eridugki-ta nam-men! nam-mah-zu mu-ri-in-tar
18. abzu mah ki ec3 eridugki-ta nam-en gal-zu-ce3
19. lugal an ki-ke4 /an? ki?\ gun3-a nam-gal-zu-ce3 ba-an-dug4
20. dnanna saj-zu il2 da-nun-na-ke4-ne-er ha-la ba-an-pad3
21. me sikil cag4 hul2-la-ka-ne-ne /ki\-tuc /kug\ im-mi-ni-in-tuc-un
22. dijir gal-gal-e-ne nidba-ec /gal\ [ba]-an-pad3
23. zag gu-la2 cag4 hi-li mah si-a /im?\-[mi-ni]-in-durun-uc
24. dijir-re-e-ne sizkur2 cag4 hul2-la-/ne?\-[ne im]-/mi\-ni-in-cum2-cum2
25. ki mah ki kug-ga mi-ni-/in\-[tuc]-un
26. dnanna ki kug-ga ki-tuc kug mi-ni-in-[tuc]-/un\
27. den-ki-ke4 ki-tuc ma-ra-ab-/sikil-e ki-tuc? ma?-ra?\-ab-cen-e
28. an mu-ra-ab-kug-ge ki mu-/ra-ab\-[cen-e]
29. e2-kic-nu-jal2 e2 tir jicerin-na an-/ce3 si ma-ra\-an-sa2
30. dur2 mah-zu ki kug-ga ma-ra-ab-ak ur2 nij2 an ki-a
31. /jic\-hur cu-luh mah-zu si ma-ra-/an\-sa2-e
32. [...] /gir4?\ X-zu bancur ki kug-ga ma-ra-ab-cen
33. [...] kij2-sig-bi kij2-sig kij2-nim-zu
34. [...] X X si ma-ra-an-sa2
35. [cu-luh]-ha ma-ra-ab-ku3-ug ma-ra-ab-cen
36. [X X] X DU SA /U3 du8\ X UZ KA /LA\ ba-an-sig7
37. X [X] X mi-ni-in-pad3
38. d/en-ki\ abzu-ni u3-tud /cu-luh\ mu-ra-an-ja2-ja2
39. dku3-su13-e cu-luh-ha ba-ni-gub e2 ni2-bi u3-tud
40. ABxA-cag4 bar-ba gir4 gud udu ninda ec3 bar-ba cu-luh kug-bi
41. e2-e i3 im-sikil-e saj ba-ab-ha-za a2-cu-jiri3 ba-an-KU-uc
42. cu-luh kug nu-cub-bu-ce3 ambar mah
43. ABxA dajal kug-ga-ta nam-bi im-ta-e3
44. e2-kic-nu-jal2 barag mah kug-ga me gal mah an ki-a cu du7
45. ABxA kug-ta pec10 mah a tu5-a-zu
46. i3 hur-saj su kug jal2-la-zu
47. dnanna barag mah-zu /ba\-jar-ra
48. gada mah kece2 saj il2 si mul suh10-gir11 nam-men!-na
49. i3 mah i3 nam-men! i3 erim3 gal-zu su-bar kug-ga-ka
50. kar-za-gin3 kar mah kar kug-ga-na
51. dnin-gublaga-ke4 en cu im-ma-an-kug-ga
52. dtarah abzu eridugki-ta cu-bi i3 im-sikil-e
53. u2-a-zu bancur unu2 ki gal-zu-ce3 cu kug ja2-ja2-zu-ce3
54. dku3-su3-e cu sikil cu dadag ak cu im-ma-an-kug-ge
55. dtarah abzu eridugki-ta cu-bi i3 im-sikil-e
56. ec3 abzu barag mah urim2ki-ma nam dug3 gal tar-re
57. /e2-kic\-nu-jal2 ki-tuc kug dug3-ga-am3 dnin-gal nin! mah-bi
58. [ki-tuc] kug ki nam-nin-za dnanna lugal-bi-ir
59. /e2-kic\-nu-jal2 agrun-kug-ga e2 nam-lugal-zu
60. dnanna dnin-gal ki-tuc mi-ni-ib2-hul2-ne
61. d/suen\-[e] /en\ zu mah an ki aga-zu aga mah-am3
62. me-lem4 /huc\ an ki-a /sig9-ge dac-im2-babbar-e cu he2\-en-na-kug-ge
63. an-gin7 he2-en-na-kug-[ge ki]-/gin7\ he2-en-na-cen-e
64. cag4 an-/na\-gin7 [he2]-en-na-dadag-ge
65. /aga?\ an ki-a aga kug /saj\ [he2]-em-ma-il2-e
66. [d]/suen\-e en zu mah /an ki\ barag sikil-la cu du7
67. [d]/ac\-im2-babbar-e saj-men /aga zid\-da si mul mah X [(X)]
68. saj im-ma-il2-/e\
69. i3 kug i3 sikil i3 dadag-ge (This line is written on the left edge of the tablet and may represent an accidentally omitted line, or else the catchline to another composition, possibly an incantation.)

Print sources

Charpin 1986, p. 366-379: score transliteration, translation, handcopy, commentary

Hall 1985, p. 814-828: score transliteration, translation, commentary

Michalowski 1993, p. 155, 160: commentary

Electronic sources

Krecher 1996: score transliteration

Cuneiform sources

U 7749 (UET 6 67)


Revision history

21.viii.2000-24.viii.2000: GC, editor: standardisation
30.ix.2000: JAB, editor: proofreading
05.x.2000: GC, editor: SGML tagging
20.x.2000: ER, editor: proofreading SGML
20.x.2000: ER, editor: web publication
01.vi.2003: GC/JE, editor/technical developer: XML/TEI conversion
30.iii.2005: GC/JE, senior editor/technical developer: lemmatised version published

ETCSL homepage

© Copyright 2003, 2004, 2005, 2006 The ETCSL project, Faculty of Oriental Studies, University of Oxford
Updated 2006-12-19 by JE

University of Oxford