The Electronic Text Corpus of Sumerian Literature
Catalogues: by date | by number | in full | Website info: navigation help | site description | display conventions | recent changes
Project info: consolidated bibliography | about the project | credits and copyright | links This composition: translation | bibliography


The lament for Eridug: composite text

Version 1

SEGMENT A

(beginning of 1st kirugu)
4 lines missing
5/ud te-ec dug4\-[ga tug2-gin6 ba-e-dul gada-gin7 ba-e-bur2]
6eridugki-ga tug2-gin7 ba-e-[dul gada-gin7 ba-e-bur2]
7iri-a ud huc-e ceg11 mi-/ni\-[ib-gi4-gi4 ...]
8eridugki-ga ud huc-e ceg11 mi-ni-ib-gi4-/gi4\ [...]
9za-pa-aj2-bi nij2-me-jar u18-lu-gin7 ba-/e-dul\ [uj3-bi ...]
10eridugki nij2-me-jar u18-lu-gin7 ba-e-dul uj3-/bi\ [...]
11lugal-bi iri-ni iri kur2-gin7 bar-ta ba-ra-gub /er2\ [gig mu-un-ce8-ce8]
12a-a den-ki iri-ni iri kur2-gin7 bar-ta ba-ra-gub /er2\ [gig mu-un-ce8]-/ce8\
13nam iri hul-a-na er2 gig mu-un-cec2-cec2
14nin-bi mucen dal-a-gin7 iri-ni ba-ra-ed2
15ama e2-mah-a kug ddam-gal-nun-na iri-ni ba-ra-ed2
16iri me kug-kug-ga me-bi cu ba-ab-bal
17jarza me gal-gal-la-kam me-bi ba-da-kur2
18eridugki-ga igi nini2-bi ba-kur2 cu suh3-a ba-ab-dug4
19ud hul du3-a iri-ta ba-ra-jen kalam i3-ur4-ur4-re
20ud sig5 hul nu-jal2-la sag9-ga nu-zu hul nu-zu-e
21su-bir4ki-e a-gin7 im-mi-ib2-jar cu im-ma-da-an-cub
22iri-a ud zalag-ga ed2-a ud ba-da-ku10-ku10
23eridugki-ga ud zalag-ga ed2-a ud ba-da-ku10-ku10
24dutu an-ur2-ra cu2-a-gin7 an-usan-ce3 ba-du3
25iri an-ne2 nam ba-an-ku5-ra2-gin7 ni2-bi-a ba-an-gul
26den-lil2-le saj-ki gid2-da-gin7 eridugki ec3-abzu gu2 ki-ce3 ba-ni-ib-jar

27ki-ru-gu2 1-kam-ma-am3


28a uru2 gul-la e2 gul-la-ri gig-ga-bi im-me

29jic-gi4-jal2-bi-im


302-kam-ma-ce3 ud-de3 iri mu-un-gul-gul ad-bi gig-ga-am3
31[...] X gir16 im-ma-ni-ib2-jar
32[...] X a-nir ba-da-an-tab
33[ka2 gal-la-bi jic]/si\-jar bi2-in-kud jicig-bi ud-de3 im-ma-gub
34[...]-gub-ba uj3 zar-re-ec ba-an-sal
35[...] /mu\-un-du8 ni2-bi-a ba-an-gul
36[...] X er2-ra mu-un-kur9
37[...] X X pe-el [...]
1 line missing
39[... ulutim2]-/bi\ mu-un-kur2
40[...] /ulutim2\-bi mu-un-kur2
41[... bad3]-/bi\ mu-un-ninni2 ur2-ba ba-ni-ib2-bal
42/iri?\ ki sikil-la zal-a-ni sahar-ra ur2 mi-ni-ib2-si
43u6-nir ec3 an-ne2 us2-sa-bi sahar hub2-e ba-an-jar
44jic-bur2-ba me-te e2-a-ke4 ni2 il2-il2-a il2-bi ba-e-gub
45ka2 u6-nir-gal-an-ki-ni2-huc-ri-a-bi
46jicig za-gin3-bi gu2 gur5 bi2-in-dug4 jicsaj-kul (ms: MU) -bi ba-du3
47jicka2-na-bi ba-ra-an-bur12 e2 igi ba-ab-kur2

48ki-ru-gu2 2-kam-ma-am3


49eridugki gul-la-ri gul-la-bi gig-ga-am3

50jic-gi4-jal2-bi-im


51ka2 igi pirij-ja2 ki nam tar-re-ba
52jictir (ms: TE+GAR) e2-a he2-du7-bi ba-ra-an-guz [...]
53dka-he2-jal2 digi-he2-jal2 i3-du8 [e2-a ...]
54ud nu-dug4-ga-ba mu-un-gul-gul-lu-/uc\ [(X X) mu-un]-/kur2\-kur2-ru-uc
55ka2 uz-ga gurucda (ms: UC) nidba gal-gal /gul\-[la ...]
56ku6 mucen-bi muc3 ba-ni-ib2-de6 gul-/la\ [...]
57e2 kug na4za-gin3-na zal-a-ni er2 X [...]
58huj-ja2 caggina [...] X [...]
59ezem-ma gal-e X X [...]
60cir3 kug cir3 ha-/mun\ [...]
61cem3 kuca2-la2 [...]
62me gal me car2-/ra\ [...]
63ki dijir an ki-a [...]
64di lugal-e jidru kug a2 zid-[da ...]
65en lu2-mah nin-dijir [...]
66sukkal disimud-de3 a2 [...]
67e2 lu2 nu-zu-ba da-bi X [...]
68eridugki ec3-abzu sig9-ga-bi [...]
69tug2-mah-he su-ub-ba lu2-erim2?-e /he2\-[...]
70X lu2 X uj3 X X he2-mi-/in?\-[...]
71[u3]-mun-bi a? bal-bal-e-da uc2-ni im-bal
72[...] X an sig7-ga-gin7 ul-ce3 tag-ga-/am3\
73[...] /gu2\-da ba-an-la2

74[ki-ru-gu2 3-kam]-/ma\-am3


75X [...]
76/a\ [...]

77jic-gi4-jal2-[bi-im]


78X [...] X ur5 bad-a cag4 sig3-[ga ...]
79[...] X kug tumucen-ma-/gin7\ [...]
80AN X [...]
81mucen uru2 gul-la-ke4 gud3 [...]
82u3-ku-kumucen mucen cag4 sig3-ga-ke4 ki? [...]
83cag4 dab5 X [...]
84jicU2.JIR2 kur-ra-ke4 ka ba-ni-ib2-[kec2]
85jicU2.JIR2 kur-ra-ke4 gar3 ba-ni-ib2-[(...)] X X
86urudcen kug lu2 igi nu-/bar\-[re]-da
87lu2 /SU\ki elamki lu2 ha-/lam\-[ma igi i-ni]-in-bar
88E2.JECTUG2.dNISABA e2-/jectug2\ [...] /ka?\ [...] ba-cu2
89me abzu ce-er-ka-an dug4-ga [...] X ba-ab-DU
90/gi16-sa\ kug erim3 jar-jar-a ki X [...] jar-ra-ba
91muru9-gin7 ki [us2-sa ...]-a-ba
92buru5mucen-gin7 a2-[bur2-bi sar-sar]-/ra\ ba-e-re7-ec
93kug na4za-gin3 [...] /ba\-ab-DU
94eridugki nij2 [...] X ba-ab-dug4
95ec3 bar X [...]-bi-a
96an-cej6-/ja2\ [...]-in-du3
97tir hur-/saj?\-[ja2? ...] mu-ni-in-[...]
98X ne X [...] X [...]
99/im?\ [...]
unknown no. of lines missing


SEGMENT B

(continuation of 4th kirugu)
1a-a den-ki [i-lu] /ni2\-te-/na\ [...]

2ki-ru-gu2 4-[kam-ma-am3]


3a-a den-ki i-lu ni2-te-na gu3 gig im-me

4jic-gi4-jal2-bi-im


5nam-bi-ce3 den-ki lugal abzu-ke4
6iri-ni iri kur2-gin7 bar-ta ba-da-gub gu2 ki-ce3 ba-an-la2
7nin-bi ab2 zid arhuc-a kug ddam-gal-nun-na
8gaba-ni i3-hur-[re] igi-ni i3-hur-re gu3 nir-ra im-me
9cu 2-a-na jiri2 ba-da-ra cu bi2-in-du8 ur-bi i3-gu7-e
10sig2-ni u2numun2-bur-gin7 i3-ze2-e i-lu gig ja2-[ja2]
11uru2 munus-zu nu-/til\-[la a]-/la\-zu nu-gi4-a-ju10 me-a er2-zu ba-gig
12uru2-ze2-ebki /uru2\ munus-zu nu-til-la a-la-zu nu-gi4-a-ju10 me-a er2-zu ba-cec2?
13gud-/gin7\ [...] mah-za ba-e-cub-be2-en /hul?\ [...] mu-cub-be2
14X [...] X dim2-ma-me-en cag4-/ju10\ [...]
15[...] AN ga-ca-an-e [...]
unknown no. of lines missing (incorporating end of 5th kirugu)


SEGMENT C

(continuation of 6th kirugu)
1[...] X X [...]
2[...] su3-ud-da-ac dijir gal-[gal]-e-[ne]
3u3-[mu-un] dmu-ul-lil2 lugal kur-kur-ra-ke4
4ki-/en\-[gi]-/ra\ i-bi2 hul he2-en-ci-bar jiri3 bal-a he2-em-gul?
5ki-ur3 ki gal zag he2-bi2-in-tag
6e2-kur za-gin3-na du3-a-ba jical-e he2-em-mi-in-ra
7zag /he2-bi\-in-tag cu li-bi2-in-dag
8kin-/sig\ unu2-gal-ni mu-ni he2-pad3-de3
9d/a\-[ru]-ru nin9 dmu-ul-lil2-la2-ke4
10iri-ni iri-saj-rig7 zag he2-bi2-in-tag
11kec3[ki] ki ulutim2 kalam-ma-ke4
12itima kug ud nu-zu-ba uj3-e igi he2-ni-in-bar
13zag he2-bi2-in-tag cu li-bi2-in-tag
14kin-sig unu2-gal-ni mu-ni he2-pad3-de3
15u3-mu-un dnanna u3-mu-un dac-im2-babbar
16/iri-ni\ urim2ki-ma zag he2-bi2-in-tag
17[cag4]-mar-ra-ka ka-na-aj2-bi he2-en-til
18[e2]-kic-nu-jal2 aj3-gig-ga he2-bi2-ak cag4-/bi?\ he2-bi2-ra
19[zag] he2-bi2-in-tag cu li-bi2-in-dag
20[kin]-sig unu2-gal-ni mu-ni he2-pad3-de3
21dga-ca-an-an-na ga-ca-an an ki-ke4
22iri-ni unugki-ga zag he2-bi2-in-tag
23e2-an-na e2 ub 7 izi 7 kar-kar-re-de3 an X /ti?\
24zag he2-bi2-in-tag cu li-bi2-in-dag
25kin-sig unu2-gal-ni mu-ni he2-pad3-de3
26[mu]-ud-na-ju10 uru2-zu uru2-ze2-ebki-gin7 gul-la a-ba-[a igi mu-ni-in]-/du8\

27ki-ru-gu2 6-kam-ma-am3


28[mu-ud]-/na\-ju10 me-na ba-du3-e me-na ba-gul?-e me-tec2 abzu? [...] X

29[jic]-gi4-jal2-bi-im


30[u3]-mu-un dam-an-ki uru2-zu uru2-ze2-eb gul-la a-ba-a mu-[ni-in]-du8
31[ec3]-abzu e2-zu-gin7 hul-a a-ba-a igi mu-ni-in-du8
32ki-cu-tag-ga-ni lu2 nu-ed3-de3
33kin-sig unu2-gal-ni mu-ni li-bi2-in-pad3-de3
34den-ki lugal abzu-ke4
35cag4 ba-an-sig3 /ur5-ra-ni\ ba-bad inim nitalam-na-ce3
36ni2-te-a-ni i-si-ic mi-ni-ib-la2 cag4 ka-tab-ba ba-an-nu2
37lugal-ju10 ur5 nam-ba-bad-e cag4 nam-ba-sig3-ge
38a-a den-ki ur5 nam-ba-bad-e cag4 nam-ba-sig3-ge
39dumu an-na cag4-zu ki-ur3-zu-ce3 iri-zu-ce3 /muctug2-zu\-ce3
40iri kur2-ra tuc-a gig-ga-am3 iri-zu-ce3 muctug2-zu-ce3
41e2 kur2-ra tuc-a gig-ga-am3 e2-zu-ce3 /muctug2\-zu-ce3
42iri lu2 ta nu-ub-da-sa2-a iri-zu-ce3 muctug2-zu
43e2 lu2 ta nu-ub-da-sa2-a e2-zu muctug2-zu
44eridugki-ga ud-bi ba-su3-su3 ji6-bi ba-til-til
45ac-te-zu tuc-a hu-mu-ra-ab-be2
46mu-nu2-zu nu2-a hu-mu-ra-ab-be2
47e2-zu [ni2] te-na-ab hu-mu-ra-ab-be2
48barag kug-zu hul2-/la-bi\ dirig-bi tuc-a hu-mu-ra-ab-be2
49a-a-zu an lugal dijir-re-e-ne-ke4 cag4-zu he2-eb-dug3-ge
50lu2-ulu3 lu2 sun5-na er2 e2 zid dam-za mu-ra-an-de6 igi-zu-ce3 du12-a-bi
51lu2-ulu3-bi cag4-zu ha-ba-na-huj-je26
52sizkur-ra dug4-ga igi zid bar-mu-ce-eb

53ki-ru-gu2 7-kam-ma-am3


54X X X X zag-zu he2-[bi2]-in-tag e2-zu ba-e-de3-cub

55[jic-gi4-jal2]-/bi\-im


56[... ki]-bi ha-ra-ab-gi4-gi4
57[...] X-za
58[...] X
59[lu2] ha-lam ak-a-gin7 saj nu-mu-/un\-[cub ...]


A version from Ur

(UET 6 142)

SEGMENT A

1iri me nun-na a gal-la dirig-ga a-e ba-da-ri /sag9?\ [...]
2sug dajal-bi jiri3 ba-an-ja2-ja2 cag4-ba jicjiri2 kur-ra /ib2?\-[mu2-mu2]
3ma2 giri17-zal-la ma2 tarah abzu a-e ba-da-ri! /sag9?\ [...] amac-bi kar bi2-ib2-/kar?\ [...]
4dsirsir an-gub-ba u2 lu2 ma2 u5 na-nam ma2-saj-ja2 [...] igi-bi-da ba-e-cu2 BU X [...]
5e2-a lu2 erim2-e mu-un-hul-uc me-bi cu suh3-a /ba\-[ab-dug4]


6gi-gu3-na-ke4 e2 kug lu2 erim2-e abzu [...]
7e2-u6-nir ec3 an-gin7 saj-bi mu-un-il2 jissu-[bi ...]


8ka2 gu-la ka2 igi pirij-ja2 ki nam-tar-ra lu2 erim2-[e] jicig-bi izi ba-ab-[cum2]
9dka-he2-jal2 digi-he2-jal2-e i3-du8 e2-a X [...]
10[...] X den-ki-ke4 ki X X X a jectug2 uj3-bi [...]
11[...] du ki ha-[lam] abzu me da-nun-[na] [...]
12[...]-/bi\ bi2-ib2-de2-a kalam-ma [...]
13[...] X-gin7 jic ga ba [...]
14[...] X cag4 iri X [...]
unknown no. of lines missing (continuation of 3rd kirugu)


SEGMENT B

1eridugki-/ga\ [...]
2iri jic-gi NE [...]
3eridugki-ga gud ab2 [...]
4cah2 jic-gi nu-me-[a ...]
5eridugki-ga gud-gin7 X [...]
6nin iri-ke4 e2-ju10 IM X [...] X X [...]

7ki-ru-gu2 3-[kam]-ma-[am3]


8a-a den-ki a e2-zu a iri-zu a nam-lu2-ulu3-zu kur-ra [...]

9jic-gi4-jal2-bi-[im]


Top | Home This composition: translation | bibliography


Revision history

28.v.1998-05.vi.1998 : GC : standardisation
21.vii.1998 : JAB : proofreading
17.xi.1999 : GC : tagging
16.xii.1999 : ER : proofreading SGML
16.xii.1999 : ER : converting to HTML 4.0
7.ix.2001 : ER : header and footer reformatted; substantive content of file not changed