The Electronic Text Corpus of Sumerian Literature
Catalogues: by date | by number | in full | Website info: navigation help | site description | display conventions | recent changes
Project info: consolidated bibliography | about the project | credits and copyright | links This composition: translation | bibliography


Self-praise of Shulgi (Shulgi D): composite text

1lugal-ju10 /gud\ [gal] a2 gu2-nu muc-huc [igi] pirij-ja2
2sipad cul-gi gud gal a2 gu2-nu muc-huc igi pirij-ja2
3amar tur3 he2-jal2-la tud-da gu2 mar-mar-re di-de3
4kalag-ga nam-ur-saj-ja2 tum2-ma he2-du7 kalam-ma-na
5nitah zid dutu-u3 nij2-si-sa2 saj-e-ec2 rig7-ga
6pirij-tur ban3-da ga zid gu7-a gud a2 gur8 pirij gal-ce3 tud-da
7sun4 za-gin3 gaba kug-ga u6 di
8lugal saj-men-na hi-li-bi
9cul-gi aga zid-da he2-du7-bi
10suh-gir11 nam-dijir-ra tum2-tum2
11lu2 an-ne2 mu dug3-ga sa4-a
12sipad zid a2 cum2-ma den-lil2-la2
13cul-gi dnin-lil2-la2 ki aj2 cag4-ga-na
14lugal-ju10 za-gin7 a-ba an-ga-kalag a-ba an-ga-a-da-sa2
15a-ba za-gin7 cag4-ta jectug2-ga cu dajal mu-ni-in-dug4
16nam-ur-saj-zu-u3 [pa] /he2\-ed2-ed2
17nam-kalag-ga-zu [mi2 dug3 he2]-e
18a nam-UG [...] zah2?-me-en3
19gaba-jal2 X [...]
20lipic-tuku [...]
21ud e2-kur-/ra\ [...]
22kur gu2 /erim2\-[jal2-la-ce3] iri gul-[gul-me-en3]
23pirij eme [ed2-de3 ...]
24pirij banda3-[gin7 ...]
25/ucumgal\ [...]
2 lines missing
28kur gu2 erim2-jal2 dnanna-a-ka uj3-ba gu3 mi-ri2-a ra-ra-me-en3
29am zid am gal-ce3 tud-da-gin7 si muc gu2-nu-me-en3
30nij2-cu jicgigir2 har-ra-an-na sig10-ga-me-en3
31ance ni-is-ku-gin7 kas4 ne-jal2-la-zu-u2 den-lil2 hul2-le-me-en3
32jicildag2 ki en-du zag-ga du3-a-gin7 usu-a-me-en3
33mec3 zid kurun3-na gun3-a-gin7 u6 di dug3-ga-me-en3
34jicnimbar dilmun kug-gin7 dnin-e2-gal-ke4 mi2 zid dug4-ga-me-en3
35jicerin duru5 ha-cu-ur2-re mu2-a-gin7 jissu dug3-ga-me-en3
36lugal-ju10 za-gin7 a-ba an-ga-kalag a-ba an-ga-a-da-sa2
37a-ba za-gin7 cag4-ta jectug2-ga cu dajal mu-ni-in-dug4
38nam-ur-saj-zu-u3 pa he2-ed2-ed2
39nam-kalag-ga-zu-u3 mi2 dug3 he2-e
40sipad cul-gi a-zu [cag4] /kug\-ga ud ba-an-ri-a
41ama ugu2-zu dnin-/sun2\-[ke4] mu-u3-tud-e-[en3]
42dijir-zu kug d/lugal\-[ban3-da] mu-u3-dim2-e-[en3]
43ama dnin-tu-/re\ [mi2 zid mu-u3-dug4]
44an-ne2 mu dug3-[ga mu-ri-in-sa4]
45den-lil2-le saj-[zu mu-un-il2]
46dnin-lil2-le [ki mu-ra-an-aj2]
47dumu nun e2-kur-[ra] [...]
48lugal ma2-gur8 [kug an-ne dirig-ga]
49dnanna en [...]
50dsuen [...]
51ud IM X [...]
52mu KI [...] IM [...]
53nu-dim2-[mud] [...]
54jic tur-tur-[gin7] mi2 [...]
55jicildag2-gin7 [...]
56jicmec3 jic[jicnimbar-gin7] mi2 zid mu-[ni-in-dug4]
57ud-ba [...] an-ne2 X X [...] dub mu-u3-ci-[X X] nam mu-u3-ci-[X X]
58dnin-lil2-[X] sizkur a-ra-[zu-a] cag4 im-ma-an-/sed4\
59an ki nam tar-tar-[ra] na-nam na-nam [dijir an-na] ba-sug2-sug2-ge-[ec]
60sig-ta igi-nim-ce3 kalam-[ma] den-lil2 lugal kur-kur-[ra-ke4] nam-sipad-bi ma-ra-[an-cum2]
61lugal-ju10 za-gin7 a-/ba\ [an-ga-kalag] a-ba an-ga-[a-da-sa2]
62a-ba za-/gin7\ [cag4-ta jectug2-ga cu dajal mu-ni-in-dug4]
63[nam-ur-saj-zu-u3 pa he2-ed2-ed2]
64[nam-kalag-ga-zu-u3 mi2 dug3 he2-e]
70 lines missing
135/ur\-saj-me-en3 [X X] X-e gub-ba-ta
136[kur] /gu2\ erim2-jal2 d/nanna\-a-ka [X] /sig4\ i3-ni-gi4
137[X] [nu]-EC2 [den]-/lil2\-la2-ka [X za]-pa-aj2 dub2-i3
138/lugal\-ju10 [X X X] X ba X
approx. 10 lines missing
149[X] du3-a [...] KA gud gal X [...]
150jiccudun kalag-ga [...] nam-ur-saj-ja2 [...]
151lugal-me-en3 kur-re [X] galam ba-ta-ed2 uj3 sig10-ce3 ga-am3-taka4
152gu2 kur-ra-ke4 jiri3 u3-mi-us2
153ki bal-e X si-ig-ga ga-am3-dug4
154[X X] X X NE X-gin7 X X u3-mu-ni-cub
155[saj]-/ga2\-ni jiri3 u3-mi-ni-us2
156[X X X]-ni u3-mun sur-ra gi4-ni-in-ug7
157[X X X]-la-dam SU nij2 nu BAD-bi-ir
158mitum-ju10-u3 ur zu2 sis-a-gin7 gug hu-mu-u3-ra-ra-ra
159IM du8 [(X)] LU2.LU2-bi-ir
160urudCEN.GAG an-na kug-sig17 sahar-ba [X X] mi2 zid dug4-/ga\-[am3]
161muc ki-ur3-ra-gin7 ka-a-/ju10\-u3 ir he2-e-tum2-de3
162a2 tuku a2-na mu-ci-in-jen-/na\
163a2-ni-ta X ga-mu-u3-ta-ab X
164juruc-bi-ir igi gul KUC2.DU-ju10-u3 ku6-gin7 cag4 he2-en3-X
165dug3 tuku-bi-ir SA.TUR.LA2 u3-mu-na-ab-[X]
166mac-da3-gin7 jictir-re gi4-bi-in-[dab5]
167kac4 dug4-ga ni2 nu-te-na-bi-ir
168mu-bar-gin7 nim-ma u3-ma-ni-X
169ance-edin-na-gin7 ub4-sa-a-ak-a me-er-bi gi4-ni-in-cu2
170KA silim dug4-ga-bi-ir me3-a gu2 X ga-an-na-jar
171jictukul huc-ju10 ucum guruc3 bur2-ra-gin7 uc ha-mu-na-ab-cum2-mu
172zu na gu2 ir a lu2 nu-ug7-a-ba lipic-a-ni u3-ma-an-ta-ze2
173lu2 muc mir tej3-gin7 bal-bal-e-da-ni
174gud tu-ra ni2-bi mu-a-gin7 saj-ja2-ni sahar-e /gi4\-ni-ib2-[X]
175di4-di4-la2 zi-bi-da kar-ra-/ba\
176zi-bi-a bir5 cu2-cu2-a-gin7 sahar sis-sis gi4-bi2-ib2-gu7
177jicgid2-da-[ju 10 X X gi4]-/bi2\-ib-mu2
178jiccu-nir-ju10 kur-ra zag-ba ga-am3-gub
179e2-mar-uru5-ju10-u 3 nij2 ga-am3-ta-si
180jicpan-ju10-u3 muc-huc-gin7 guruc3 ha-ma-bur2-bur2-re
181jicti zu2 igi-ju10-ce3 nam-gin7 he2-jir2-jir2-re
182gi bar-bar-ra su-tinmucen dal-a-gin7
183ka me3-bi-a ha-ma-an-dal-dal
184im kucda-<lu>-uc2-a uj3-ba ha-ma-cejx(IM.A.AN)
185im-dug-ge na4cu-gin7
186murgu-ba dub-da-ab ha-ma-ab-[za]
187ki bal-a uj3 tar-tar-ra-[bi]
188jicilar kuc gur21ur3-ju10-[u 3] bir5-gin7 ga-am3-mi-ib2-ur4
189ma-sa2-tum-ju10-u3 saj kalam-ma-ka gug-sar ha-mu-u3-ak-ke4
190X mitum-ju10-u3 gurinx(DUG)in nam-lu2-ulu3 a-gin7 he2-em-bal-e
191jictukul ha-zi-in da tab-ba-ju10-u3
192u3-mun ug dul4-bi-a X AL KAxX UL ha-mu-u3-ak-ke4
193naj dug jectin gaz-za-gin7 hur-saj-e i3-bi2-i3-sud
194cag4-tum2-cag4-tum2-ba uj3 sig10-ce3 [X X]
195u3-sur-sur-be2-e uc2 a-/gin7\ [X X]
196ki-in-dar-ki-in-dar [kur-ra-ke4] u3-mun [X] X mi X [...]
197dim3-bi [...] kur-ra [...]
198ki bal-a [...] X X [...]
199kur [...]
7 lines missing
207cag4 [...] LAM [...] X
208ba [X X] ib2 BAD e sa [X X] u3-mu-ta-a-si
209X [X] /cag4\ lum-lum-ma-ni [X] /ha\-mu-u3-sud-e
210[X X]-/ja2\-ra saj-ce3 gu2-mu-ni-rig7
211[kur-ra] ur3-ra nu2-a-bi ur3-ra ga-am3-mi-aj2
212bad3-da nu2-a-bi bad3-da ga-am3-mi-gaz
213mu-u3-da-gub-a-bi jiri3-na ga-am3-mi-gub
214nu-mu-u3-da-gub-a-bi ki-ba ga-am3-mi-gaz
215kur-ra tur-tur-bi ma2-a ga-am3-mi-ib2-u5
216gal-gal-bi cu-gi4-ta ga-am3-gi4
217nu-mu-u3-gi4-ec2 nu-mu-u3-dajal-e-ca-a ud la-ba-da-ab-su3-ra2-ac
218lugal-me-en3 cu iri-ja2 ga-am3-gi4
219nij2 ki-en-gi-ra ba-a-gu-la kur-ra ga-am3-mi-ib2-gu-ul
220iri-ba dijir-bi jiri3-ba ga-am3-mi-sig9
221u2-dug4 igi sag9 dlama igi sag9-bi bar-ce3 ga-am3-ta-an-gub
222gana2 zid ce dadag-ga-be2-e u2 gid2-da gi4-bi2-i3-mu2
223jic tur-tur-bi ur2-ba ga-mu-bu3-bu3
224jic dajal gal-be2-e tun3 gul ga-am3-dug4
225jic nij2-tuku-bi suhur-ba gi4-ni-ib2-bal-bal
226pu2-jickiri6 lal3 jicpec3 mu2-a-bi a-ri2-na[sar gi4-bi2-i3]-mu2
227jicJIRI3 u2 IRI-u3-[a-ke4 ki he2-dar-dar-re]
228lugal-me-en3 iri [mu-gul-la-ta bad3 mu-sig10-ga-ta]
229kur NE-ma a-<ji6> i3-/huluh\-[ha-ta]
230numun gu-ti-<um>-ma ce /sahar\-[ra-gin7 mu-bi-bi-re-a-ta]
231u3-ma-gub den-[lil2-la2] [sa2 mu-dug4-ga-ta]
232uj3 jicnaga-ce3 i3-X [... -ak-ta]
233cag4-ju10-u3 X [...]
234kug za-gin3 /kur\-[ra kucPA5 CIR.LU.KUC/CIR.LU.KUC ga-am3-mi-ak]
approx. 5 lines missing
240lugal X [...]
241ud-ba kur-ra [...]
242za-pa-ja2-ni hur-saj ki [...]
243iri den-lil2-le nam [...]
244an-ne2 saj ba-/da\-[...]
245dnin-tu-re gi X [...]
246den-ki-ke4 jectug2 nij2-sag9-/ga\ [...]
247dnanna si-un-na ba-/da\-[...]
248dutu an-ur2-re ba-da-[...]
249dinana nin me3-ke4 saj-ki /im\-[...-gid2]
250ki bal-a uj3-ba gi uc2 me JAR [...]
251me3 huc gal cul-gi-ra KA /ha\-[...]
252dza-gar3 dijir ma-[mu-da-ke4]
253u2-dug4 sag9-ga-bi-gin7 ba-X [...]
254X X X [X] X X ma-mu-/de3\ [...]
255[...] tuku [...]
256[...] bi [...]
approx. 31 lines missing
288[X] kur gu2 erim2-jal2-ce3 [...] X [X]
289/muc\ saj-kal-gin7 gu3 nun am3-me-e
290lugal a ed2-a ki bal-ce3 gu3 nun-bi di-da
291cul-gi a ed2-a ki bal-ce3 gu3 nun-bi di-da
292cec gu5-li-ni en dgilgamec2
293saj-tab-ba-ni-im X X tud-da-gin7 tec2-ba gu2 bi2-ib2-la2
294cul-gi sipad zid ki-en-gi-ra-da jiri3-a ba-da-an-DU
295lugal an kug-ga men dajal sud-sud
296en ud ce-er-zi dijir-re-e-ne
297a-a dnanna zag zid-da-ni-a mu-un-di-X X X
298cul-gi sipad zid ki-en-gi-ra-da jiri3-a ba-da-DU
299am gal-ce3 tud-da pirij ne3-ba gub-ba
300ibila kalag-ga cul dsuen-na
301dumu ur-saj dac-im2-babbar-[ra]
302sun2-zid zag /gab2\-bu-ni-a ba-X X [X]
303cul-gi sipad zid ki-en-gi-ra jiri3-a ba-da?-DU?
304lugal JIRI3 X [X X] kar X [X X] X [...]
305dnin-/jic\-[zid-da] [...]
306cul-gi sipad /zid\ [ki-en-gi-ra-da jiri3-a ba-da-DU]
307enegir3ki X dug3 KA ga? [X X] im-ma-tij4-[a-ta]
308muc-huc /guruc3\ bur2-bur2 lu2 X [...]
309en KA X [...]
310dnin-a-zu [...] X [...]
311cul-gi sipad zid ki-en-/gi\-[ra-da] [ jiri3-a ba-da-DU]
312ud-ba abzu-ta ba-ra-ta-[ed2]
313lugal den-ki-ke4 abzu-ta igi ac mu-il2
314[ki]-gub-ba-ni kur mu-na-gul-[e]
315ki-tuc-a-ni-ta iri mu-na-gul-e
316dug4-ga zid-da inim ki-bi-ce3 jar
317nu-dim2-mud en gal eridug/ki\-[ga]
318cul-gi [sipad] /zid\ [ki-en]-/gi-ra\-da? jiri3?-[a ba-da-DU]
319e2-babbar e2 dutu-ke4 im-ma-tij4-a-ta
320lugal nij2-si-sa2-e ki aj2 X X X e X [X] cag4 gada la2
approx. 10 lines missing
331[kur-ra tur-tur-bi ma2]-a i3-mi-[ib2-u5]
332[gal]-gal-bi cu-gi4-/ta\ mu-gi4
333nu-mu-gi4-[ec2] nu-mu-dajal-le-[e-ca-a] ud la-ba-da-[ab-su3-ra2-ac]
334[ur]-saj-e cu iri-na mu-gi4
335nij2 ki-en-gi-ra ba-a-gu-ul-la kur-ra i3-mi-in-gu-ul
336iri-ba dijir-bi jiri3-ba i3-mi-sig9
337u2-dug4 igi sag9 dlama igi sag9-bi bar-ce3 im-ta-an-gub
338gana2 zid ce dadag-ga-a-be2-e u2 gid2-da bi2-i3-mu2
339jic dajal gal-be2-e tun3 gul bi2-in-dug4
340jic nij2-tuku-bi suhur-ba mi-ni-in-bal-bal
341jic tur-tur-bi ur2-ba mi-ni-in-bu3-bu3-u2
342pu2-jickiri6 lal3 jicpec3 mu2-a-be2-e a-ri2-nasar bi2-i3-mu2
343jicJIRI3 u2 IRI-u3-a-ke4 ki mu-dar-dar-re
344lugal-e iri mu-gul-la-ta bad3 mu-sig10-ga-ta
345kur NE-ma a-ji6 i3-huluh-ha-ta
346numun gu-ti-um-ma ce sahar-ra-gin7 mu-bi-bi-re-a-ta
347cag4-ga-ni URU5.A.TIR im-mi-in-su-a-ta
348kug za-gin3 kur-ra kucPA5 CIR.LU.KUC/CIR.LU.KUC im-mi-ak
349gi16-sa-bi tec2-e bi2-in-tag-tag
350nij2-gur11 kur-ra-ke4 gu2-AC im-mi-ra
351gud gi4-a udu gi4-a-bi-a
352mu den-lil2-la2 i3-mi-ib2-pad3-de3
353mu dnin-lil2-la2 im-mi-ib2-pad3-de3
354ur-saj-e kur-ta cu mah gi4-a-ni
355ma2-gur8 za-gin3 nam-lugal-la ba-ni-in-du8-a-ni
356si kug sud-sud udu-AMAC kug-sig17-bi an-cag4-ga hud-hud
357esir2-bi esir2 igi-su den-ki-ka
358abzu-ta mi2 zid dug4-ga-am3
359jic-hum-bi e2-gal id2 mah-ha me-lem4 gur3-ru-am3
360an-gin7 mul-a ce-er-ka-an mi-ni-ib2-dug4
361LU kug-be2-e X ki-DI.A-zu [X]
362X [...] u5 [...]
363lugal X [...] ud X [...]
364cul-/gi\ [sipad zid] ki-en-/gi\-[ra-ke4] jiri3-ni bad [...]
365jicgu-za X [X] dur2 ba-an-[jar]
366si-im a2-la2-e sig4 mu-na-ab-gi4
367tigi cir3-[re-ec2] mu-na-ab-[dug4]
368lugal-ju10 X [X X] kur mu-gul X [X] iri mu-lah4
369am-gin7 hur-saj X X zag HAR dug4-ga X X
370nar-re en3-du-am3 mu-na-ni-ib2-e-ne
371addir-ni a2 nu-kuc2-u3
372u5 du3-du3-me-ec2 u5 la2-la2-me-ec2
373a-ne-ne dumu enegir3ki dumu urimki-ma-me-ec2
374en-da jicjisal za X mu-da-la2-ne
375ec3 nibruki ec3 dur-an-ki-ce3
376kar-jectin-na den-lil2-la2-ke4
377u5 (ms: ma2) na-ga-am3-mi-/in\-[us2]
378kug za-gin3 kur-ra PA5 CIR.LU.KUC/CIR.LU.KUC ak-da
379gi16-sa tec2-e tag-tag-ga-da
380nij2-ga kur-ra-[ke4] gu2-[AC] /ra\-[a-da]
381[den-lil2-ra mu-na-da-an-ku4-ku4]
382[...] /lugal\ [X] X X [...]
383cul-gi-ra nam mu-ni-ib2-tar-re
384lugal nam gi4-ri2-ib2-tarar nam dug3 gu2-mu-ri2-ib2-tarar
385cul-gi nam gi4-ri2-ib2-tarar nam dug3 gu2-mu-ri2-ib2-tarar
386nam-ur-saj nam-ce3 gu2-mu-ri2-ib2-tarar
387nam-en nam-lugal-la ud sud-da nam-ce3 gu2-mu-ri2-ib2-tarar
388ni2 me-lem4-ma gu2 hu-mu-ni-us2
389igi huc-zu lu2 nam-ba-gub
390aga nam-lugal-la2-zu-u3 dalla he2-em-ed2
391jidru-zu nij2-nam-nun-na he2-em
392pa mul-bi an-dul3-le-ec2 hu-mu-u3-ak
393cag4-za cag4 hul2-la he2-en-jal2 nam-ba-kuc2-u-de3-en
394lugal zi-cag4-jal2 unken-za he2-me-en
395nam-til3-la?-zu gu-gin7 he2-mu2-mu2 ce-gin7 he2-mu2-mu2
396mec3 zid-gin7 [ki] dajal-e he2-[mu2]-/mu2\
397[X] X nar [...] X [...]
unknown no. of lines missing


Top | Home This composition: translation | bibliography


Revision history

22.xii.1998-11.i.1999 : JAB : standardisation
07.i.2000 : GZ : proofreading
10.i.2000 : GC : tagging
04.ii.2000 : ER : proofreading SGML
04.ii.2000 : ER : converting to HTML 4.0
7.ix.2001 : ER : header and footer reformatted; substantive content of file not changed