The Electronic Text Corpus of Sumerian Literature
Catalogues: by date | by number | in full | Website info: navigation help | site description | display conventions | recent changes
Project info: consolidated bibliography | about the project | credits and copyright | links This composition: translation | bibliography

An adab of Ninurta for Ur-Ninurta (Ur-Ninurta C): composite text

¹ur-saj ucum ni₂ ri ni₂ huc dirig gal [di]
^2dnin-urta mar-uru₅ cu zig₃-ga JIRI₃ UD [...]
³kalag-ga usu mah tuku kur nu-un-ta-[ed₂]
⁴a₂ nam-ur-saj-ja₂ cag₄-ta tum₂-a gaba-gi₄ nu-[tuku]

⁵bar-sud-am₃

⁶iri ki a₂-dam nu-jal₂-la ki bal hul-jal₂ ak
^7dnin-urta pirij huc hu-luh-ha-gin₇
⁸DU-zu-ne ud ed₂-ta ud cu₂-uc an ki ci-im-tuku₄-e
⁹di-kud nir-jal₂ usu mah tuku-gin₇ ki bal du₇-du₇-zu
¹⁰ud i₃-du₇ ji₆-u₃-na ci-im-ma-zig₃ ki bal-e ci-im-nu₂-e
¹¹igi il₂-i-zu hur-saj gal tec₂-ba ci-im-da-tu^!-ku

¹²cag₄-ba-tuku-am₃

¹³en iri^? nam ^dnu-nam-nir-ra jickim-til₃ a-a-na
^14dnin-urta a₂ zid-da kur gal-la-ac ca-mu-un-til₃-la-ni-me-en
¹⁵ec-bar dug₄-ga-ni ki-bi-ce₃ ja₂-ja₂ di-di-bi mu-e-zu

¹⁶bar-sud 2-kam-ma

¹⁷en barag-barag ni₂ huc-bi-ne JIRI₃ UR₄ X [...] X X [...]
¹⁸hul-du erim₂-jal₂ nu-mu-un-ed₂ [X]-e bi₂-ib₂-X [...]
¹⁹kur ma-da dajal igi zid bar-ra-zu nam-he₂-a ma-ra-an-du₈
^20dur-^dnin-urta cul za-ce₃ jal₂ sipad zid jic tuku-zu-um
²¹ub-da an ki uj₃ ki jar-ra-ba saj-e-ec mu-ni-rig₇
²²jectug₂ cum₂-ma ^den-ki-ka₃ KA tum₂-tum₂-mu-bi mu-e-zu
²³saj gig₂ udu-gin₇ lu-a-bi hu-mu-jal₂-e us₂-zu he₂-bi₂-ib₂-dab₅-be₂

²⁴sa-gid₂-da-am₃

²⁵ur-saj gal ^dur-^dnin-urta-ra nu-ce-ga-ni zar-re-ec sal-mu-na-ab

²⁶jic-gi₄-jal₂ sa-gid₂-da-bi-im

²⁷u₄-ta-u₁₈-lu en dumu ^den-lil₂-la₂ hur-saj-ta ed₂-a
^28dnin-urta nam-mah dugud-da-zu a-re-ec dug₄-ge-ec₂
²⁹nam-nir-jal₂ nam-mah kalag-ga-zu cag₄ kur-kur-ra-ka
³⁰u₁₈-lu me-lem₄-ba ud ed₂ ud cu₂-uc uj₃ car₂-ra ci-im-dul-[e]
³¹a-a ugu-zu sipad dijir-re-ne en ^dnu-nam-nir-re
³²me gal-gal an ki-a saj-KEC₂-bi cu-za ma-ra-ni-in-ge-en
³³nam-nir nam-zag-dib mu-ra-an-cum₂ gaba-gi₄ nu-mu-ri-in-tuku
^34dnin-lil₂-la₂ hi-li cag₄-ga-na-me-en ki-ig gal im-ma-ra-an-aj₂
³⁵a-ra₂ nij₂-ak-zu hul₂-la-da ni₂ am₃-il₂-il₂-i
³⁶a-ba za-gin₇ dijir pa ed₂-a^?-e^? mu-ni an-zag-ce₃
³⁷cul si-sa₂ uj₃ dajal-la pad₃-[da jic] dug₄-ga kur gal-la
^38dur-^dnin-urta [...] la-la gu₃ zid de₂-a-zu
³⁹igi X [...]-ke₄ DU [... mu]-un-ne-cum₂
⁴⁰barag^? [...]-en PEC^? za-gin₃ saj-[e]-ec mu-ni-in-rig₇
^41dur-^dnin-urta-ra bal mu giri₁₇-zal-la mu-un-ne-tah
⁴²iri^ki mac-gan₂ a₂-dam ki jal₂-la-ni he₂-jal₂-la ca-mu-un-du₃
⁴³saj gig₂-ge ^dutu ed₂-[gin₇] igi-bi he₂-me-ci-jal₂
^44jictukul kur gu₂ erim₂-jal₂ [...] X X ki tuku₄-tuku₄-da X-ke₄
⁴⁵u₃-mu-un-cum₂ a₂-dam nu-ce-ga-ni /sug\ zag^!-ge₄ bi₂-ib-gu₇-e
⁴⁶u₄-ta-u₁₈-lu ur-^dnin-urta-ra cu he₂-me-de₃-ni-jal₂-jal₂

⁴⁷sa-jar-ra-am₂

⁴⁸ur-saj gal ^dur-^dnin-urta-ra saj-tab si ma a he₂-e-me-en

⁴⁹jic-gi₄-jal₂ sa-jar-ra-bi-im

⁵⁰en nam tar-ra-zu sag₂ nu-di inim kug-zu uru₂^ru
51dnin-urta en nam tar-ra-zu sag₂ nu-di inim kug-zu uru₂^ru
52dur-^dnin-urta nam dug₃ mu nam-til₃-la
⁵³du-ri₂-ce₃ [nu]-kur₂-ru nam-e-ec tar-mu-ni-ib

⁵⁴uru₂^ru-bi-im

⁵⁵a-da-ab ^dnin-urta-ka-kam (ll. 54 and 55 are one line in the source)

Top | Home This composition: translation | bibliography

Revision history

24.v.1999-7.vii.1999 : JAB : standardising
29.vii.1999 : GZ : proofreading
17.viii.1999 : GZ : SGML tagging
03.ix.1999 : ER : proofreading SGML
03.ix.1999 : ER : converting to HTML 4.0
7.ix.2001 : ER : header and footer reformatted; substantive content of file not changed