Letter from Sîn-iddinam to the god Utu about the distress of Larsa: composite text

¹^dutu lugal-ju₁₀-ur₂ di-kud /mah\ an ki
²saj /en₃\ tar kalam-ma ka-ac mu-/un\-bar-bar-re
³dijir zid lu₂ til₃-le-de₃ ki aj₂ a-ra-zu jic tuku
⁴arhuc sud /cag₄ gur-ru^?\ mu-un-[...]-zu-[...]
⁵nij₂-si-sa₂ ki aj₂ nij₂-zid [bar] /tam\-me NE [...] /u₃\ [...] dug₄
⁶sun₄ mu₂ /dumu\ ^dnin-gal sun₄ ^na₄za-gin₃ X X X [...]
⁷taka₄ la₂ ^jic^!si-jar an ki (1 ms. has instead: taka₄ si-jar) ku₁₀-ku₁₀ zalag /ja₂-ja₂\
⁸en saj-kal AC-a-ni pa ed₂-a nam-mah-a-ni zag nu-sa₂
⁹ur-saj dumu ^dnin-gal-e tud-da me saj KEC₂ ur₄-ur₄
¹⁰dijir zid nun^! nam tar-tar-re a-a saj gig₂-ga lugal-ju₁₀-ur₂ u₂-na-de₃-tah
¹¹^m^dsuen-i-din-nam lugal larsa^ki-ma arad-zu na-ab-be₂-a
¹²iri-zu larsa^ki-ma cag₄-ge pad₃-da-zu nij₂-gig-ga im-ma-an-ak
¹³sila dajal ecemen ud zal-zal-la sig₉-ga im-ma-an-sig₉ (1 ms. has instead: [...]-jar)
¹⁴erin₂^! sag₉-ga-zu gu₂ jar-jar-ra gi gi-sig^?-ga-gin₇ si-il-si-le-de₃ /ba\-an-/til^?\-le-ec
¹⁵juruc^!-zu ce ud a₂-ba-gin₇ ab-gur₁₀ ba-an-sab-ec gurun^? gibil^?-gin₇ mu-X-/dub₂\-uc
¹⁶uj₃-ja₂ alan im-gin₇ im-ma-an-gul-lu-uc ni₂-bi-a ba-an-/til\-[...]
¹⁷di₄-di₄-la₂ ur₂^? ama-bi-ne-ta ud hul ba-an-da-/kar\-[(X X)]
¹⁸uj₃-ja₂ jectug^! HUR-re muc₃-bi ba-an-kur₂ X [...]
¹⁹erin₂ ga-an-ca-ca /cu\ bar-ra-am₃ kalam zid₂-gin₇ KAxCU /ed₂^?\ [...]
²⁰cul ^dutu iri-/za\ larsa^ki-ma lu₂ kur₂-gin₇ bar-ta ba-da-gub
²¹kur elam^ki-ma X^mucen-gin₇ mah-/bi\ lu₂ uc₂-a nu-jal₂-la
²²su-bir₄^ki muru₉ dugud-da dijir-re-e-ne ni₂ tej₃-ja₂ nu-/zu\-a
²³ma-da-bi nu-ub-ta-BA /ud-bi\ nu-jal₂-la
²⁴cimacki-e ki dijir-re-e-ne-ke₄ nu-gig lukur nu-mu-da-/il₂\-e (1 ms. has instead: cimacki dijir-ra-ni nu-gig lukur-bi il₂-la nu-mu-un-zu-a) (1 other ms. has instead: cimacki ki dijir-re-e-[...] nu-gig nu-bar^!-e nu-[...])
²⁵erin₂-a-ni u₂-gin₇ lu-lu-a numun-a-ni dajal-la (1 ms. has instead: he₂-mah)
²⁶za-lam-jar til₃-la ki dijir-re-e-ne-ke₄ nu-mu-un-zu-a
²⁷u₂-ma-am-gin₇-/nam\ u₅-/a\ zid₂-/eca^?\ sizkur₂ (1 ms. has instead: zid₂ sizkur₂ il₂-la) nu-mu-un-zu-a
²⁸nam-tar hul-jal₂ a₂-sag₃ nij₂-gig-ga nu-mu-/un\-na-tum₃^? (1 ms. has instead: nu-mu-na-tej₃)
²⁹lu₂ mu dijir sal-la-bi nij₂-gig-ga i₃-/gu₇\-e ugnim-bi silim-ma
³⁰mu 7-kam-ma-/ta\ iri-ja₂ me₃ /cen-cen la\-ba-an-tuku uc₂ da-/bi\ nu-ja₂-ja₂ (1 ms. has instead: mu 5-/kam\-ma-ta /iri^ki\-ja₂^! cen-cen-na la-ba-tuh nam-uc₂-a a₂-bi nu-ja₂-ja₂)
³¹edin-na ur-mah-e lu₂ gu₇-e nu-mu-ni-ib-la₂-X (1 ms. has instead: nu-mu-ni-il₂-la₂)
³²dijir inim sag₉-sag₉-/ge\-de₃ nu-zu-a je₂₆-e im-ma-an-AK-[(X)] (1 ms. has instead: im^!-ma-da-/KEC₂^?\)
³³dijir gal-gal-e-ne sizkur₂ ud cu₂-uc-e al-gub-be₂-en inim sag₉-sag₉-ge-ju₁₀ mah-/am₃\
³⁴cul ^dutu nam-bi-ce₃ iri-zu larsa^ki-ma igi zid bar-mu-un-ci-ib
³⁵/a\ iri-zu dug₄-ga-ba-ab
³⁶a ec₂ X X dug₄-/ga-ab\
³⁷arhuc /sud\ /larsa^ki\-ma cu te-ba-ab
³⁸nij₂-gig-ga ak-bi en₃ tar-bi-ma
³⁹[X (X)] X larsa^ki ed₂-ni-ib
⁴⁰[...] X nij₂-gig-ga cag₄-bi zig₃-ab-ta (1 ms. has instead: /cag₄\ /larsa\[^ki-ma] [...])
⁴¹[X] /huc^?\-a /cag₄\ /larsa\^ki-ma-ka /cu^?\ X [...]
⁴²X taka₄-a cu nam-uc₂-ta ba-e-cub-bu-de₃
⁴³X-til-le-ec numun-bi he₂-mah
⁴⁴/a₂^?\ taka₄-a ka-tar-/zu\ he₂-si-il-le
⁴⁵u₃ je₂₆-e /ni₂ tej₃\-je₂₆-ju₁₀-uc nam-til₃ cum₂-mu-na-ab
⁴⁶zi su₃-ud-jal₂ nij₂-ba-e-ec₂ ba-mu-na-ab

top | translation | bibliography

Revision history

05.vii.2001-12.vii.2001 : EFH : standardisation
15.v.1994 : EFH : collation
12.vii.2001 : EFH : collation
19.xi.2001 : JAB : proofreading
22.xi.2001 : GC : tagging
23.xi.2001 : ER : proofreading SGML
23.xi.2001 : ER : converting to HTML 4.0