The Electronic Text Corpus of Sumerian Literature
Catalogues: by date | by number | in full | Website info: navigation help | site description | display conventions | recent changes
Project info: consolidated bibliography | about the project | credits and copyright | links This composition: translation | bibliography


A balbale to Ningishzida (Ningishzida A): composite text

1[ur]-saj en cag4-tum2 a-gar3 ur-mah kur sud-[da]
2dnin-jic-zid-da muc-mah ucumgal-a-/da\ [tab-ba]
3am gal cen-cen-na gaba-hum-a-ba a-ji6 X [...]
4ama-ni ki aj2 dnin-jiri16-<da>-a cag4 hi-/li\-[a tud-da]
5[ubur] kug-ga-na ga zid gu7-a uc11 pirij sub-sub-ba
6abzu-a buluj3-ja2 icib mah-am3 ec2-da kug cu du8
7saj5-ja2 dub kalag-ga-ba nij2-zid ka KEC2-da
8lugal am ur5 un3 eme si sa2 nij2-erim2-e hul gig
9uru2 idim hur nu-mu-un-gi4-gi4 cu suh3-a di-de3
10dnin-jic-zid-da idim hur nu-mu-un-gi4-gi4 cu suh3-a di-de3
11erim-erim-ma cu-zu ma-ra-ci-jal2
12sipad saj gig2-ga cid-bi mu-e-zu
13u8 sila4-bi kij2-kij2-de3 ma-ra-ci-jen
14ud5-de3 mac2-bi jidru ud su3-ra2 tum2-tum2-mu-bi mu-e-zu
15dnin-jic-zid-da jidru ud su3-ra2 tum2-tum2-mu-bi mu-e-zu
16lugal cag4-la2-sud cag4-ta ed2-a inim cud3-zu cu-a he2-eb-gi4
17nam-til3 u3-tud za-da ca-mu-un-jal2
18nun hi-li su3-su3 dnin-jic-zid-da
19/barag\ ki-tuc mah-a tuc-a-ni en dijir cul a2 zid-da
20[X] X-zu-ur tug2 mu4 jidru za-gin3 cu u3-mu-e-tij4
21[cir3]-/nam\-cub ad mi-ri-ib-dug4 ni2-te-na mi-ni-/ib\-[be2]
1 line missing
23[...]-/bi\ inim lul-la bal-bal-[am3 cag4] mu-na-te-en-[te-en]
24[X] X car2-car2-ra ca-mu-cubub-be2-en izi-gin7 ba-ra-ma5-ma5-an
25lugal en cag4 su3-ra2 barag mah-za nam dug3 mu-ri-in-tar
26dijir nij2-si-sa2-e ki-aj2-e inim dug3-bi mu-un-e
27palil gal-zu unken-na PA.PA-a he2-du7
28lugal ni2 ri-a ildu2 utu-bi saj-ba jen-a
29an-bar an-ta a-ba-de-jen-ne2 a-na-an-da-sa2-a
30ur-saj me3 igi jal2 taka4-a kur un3-na i3-a-ed2
31dnin-jic-zid-da me3 igi-jal2 taka4-a kur un3-na i3-a-ed2
32lugal ki gu-la a2 aj2-ja2 tum2 ki DU-bi tum2-mu-de3
33cul dijir tuku ki a2 aj2-ja2-ni igi-bi ma-ra-ci-jal2
34lugal ka lal3 dijir-re-e-ne den-ki za3-mi2
35dnin-jic-zid-da dumu dnin-a-zu
36a-a den-ki za3-mi2
37bal-bal-e dnin-jic-zid-da-kam


Top | translation | bibliography


Revision history

30.vii.1999-11.viii.1999 : JAB : standardisation
10.viii.2000 : GC : proofreading
11.viii.2000 : GC : tagging
28.x.2000 : ER : proofreading SGML
28.x.2000 : ER : converting to HTML 4.0
7.ix.2001 : ER : header and footer reformatted; substantive content of file not changed