The Electronic Text Corpus of Sumerian Literature
Catalogues: by date | by number | in full | Website info: navigation help | site description | display conventions | recent changes
Project info: consolidated bibliography | about the project | credits and copyright | links This composition: translation | bibliography

A prayer to An for Rim-Sin (Rim-Sin C): composite text

1sipad mu pad3-da an kug-ge nam gal an-na tar
2dri-im-dsuen mu pad3-da an kug-ge nam gal an-na tar
3nun cag4 zid-ta nam-lugal-la mu-un-sa2
4nam-men uj3 car2-ra-ce3 gal-le-ec kij2-kij2-en
5larsaki-ma kur SA4 me nam-nun-na de2-a
6nam-sipad ki-en-gi ki-uri-ce3 zid-de-ec pad3-da-me-en
7an gal mah an ki-a en nij2-nam gal-zu
8a-a dijir-re-e-ne nam tar-tar-re-de3 ki-bi-ce3 ci-jar
9dug4-ga dugud inim-bi nu-silig-ge
10an-cag4-ga sikil-la DU JAL2
11nun dri-im-dsuen sipad cag4-ge «UD» de6-a-ne-me-en
12an gal-e cag4 ki aj2-ja2-ni dalla hu-mu-ra-<ni>-in-ed2
13nij2-si-sa2-zu-ce3 gu3 zid-de3-ec hu-mu-ra-ab-di
14an cag4-ge su3-ra2 ud nam-til3-zu hu-mu-ra-ab-dirig-ga
15nam-lugal kur nij2-dajal-la ud su3-ra2-ce3 hu-mu-ra-ab-cum2
16inim kug-ga-ne-ne-a nam nam-til3-la hu-mu-ra-ab-tar
17dug4-ga nij2-nam nu-kur2-da zi su3-ra2 hu-mu-ra-ab-tah
18aga kug-ge saj-za-a he2-ne2-eb-ge-en
19jicgu-za nam-til3-la-ka gal-bi hu-mu-ra-ab-tuc
20u3-luh nij2-si-sa2 cu-zu-ce3 hu-mu-ra-ab-si
21sibir kalam ge-en-ge-en su-zu-a he2-bi2-la
22ecgiri uj3 lu-a hu-mu-ra-ab-dab5
23ubur an sud-aj2 jal2 hu-mu-ra-ab-taka4 cejx(IM.A) an-na hu-mu-ra-ab-cej3
24mu ma-da ud nam-he2 an-cag4-ta zag hu-mu-ra-ab-KEC2
25iti6 nij2 giri17-zal cag4 hul2-la ud-zu-ce3 hu-mu-ra-ab-jar
26bal nij2-dug3 nij2-si-su si-a cu-zu-ce3 hu-mu-ra-ab-jar
27an gal-e su3-ra2-ce3 a2-bad-jal2 nam-lugal-la-zu he2-a
28dri-im-dsuen lugal-ju10
2928 mu-ni cud3-de2 an

Top | Home This composition: translation | bibliography

Revision history : JAB : standardising
26.vii. 1999 : GZ : proofreading
26.vii. 1999 : GZ : SGML tagging
10.ix.1999 : ER : proofreading SGML
10.ix.1999 : ER : converting to HTML 4.0
7.ix.2001 : ER : header and footer reformatted; substantive content of file not changed