The Electronic Text Corpus of Sumerian Literature
Catalogues: by date | by number | in full | Website info: navigation help | site description | display conventions | recent changes
Project info: consolidated bibliography | about the project | credits and copyright | links This composition: translation | bibliography

An adab of An for Lipit-Eshtar (Lipit-Eshtar C): composite text

1[en] mah zag dib me galam u18-ru
2/pa\-bil2-ga en-en-e-ne


4saj il2 dirig ninda2 numun i-i
5mu idim ni2 gal-le-ec ri-a
6mah dug4-ga-ni sag2 di nu-zu
7kur me sikil-la ni2 mu-ni-in-il2
8barag gal-la dur2 im-mi-in-jar
9an lugal dijir-re-e-ne-ke4


11igi zid su3-ra2-ce3 mu-un-ci-in-bar
12nun dli-pi2-it-ec4-tar2-ra igi zid mu-ci-in-bar
13nam-til3 su3-ra2-ce3 mu-na-an-cum2
14nun dli-pi2-it-ec4-tar2-ra nam-til3 <su3-ra2-ce3 mu-na-an-cum2>
15an-na dug4-ga-ni inim ki-bi-ce3 jar-ra
16dijir na-me saj la-ba-ab-cum2-mu
17da-nun-na dijir kilib3-ba-bi
18ki nam tar-re-da gu2 mu-na-si-si-ec


20me gal-gal-la pa mu-ni-in-ed2
21dijir an-na mu-na-sug2-ge-ec

22bar-sud 2-kam-ma

23jic-hur-bi si mu-ni-ib-sa2-sa2
24dijir ki-a mu-na-gam-e-ec (1 ms. has instead: mu-/na\-dur2-ru-/ne\-[ec])
25me mah-a me saj-ki-a-ba
26nam-lugal nij2-kal-kal-la-am3
27dli-pi2-it-ec4-tar2 dumu den-lil2-la2-ra
28an gal-e saj-e-ec mu-ni-in-rig7

29sa-«bar»-gid2-da-am 3

30an gal-am3 dijir pa-ed2 gal-am3
31an u18-ru (1 ms. has instead: mah-di) lugal dli-pi2-it-ec4-tar2-ra jickim-til3-la-ni na-nam

32jic-gi4-jal2-bi-im (1 ms. has instead: jic-gi4-jal2 sa-gid2-da-bi-im)

33an-e cag4 gu2-bi gi4-a-na lugal mu-ni-in-pad3
34cag4-bal-bal nam-lugal-la-ra gu3 zid mu-na-an-de2
35dli-pi2-it-ec4-tar2 a2 cum2-ma-ju10-me-en gu2 an-ce3 he2-zig3
36ud gu3 di saj-bi zi-zi-gin7 su-zi he2-me-da-ri
37gu2 erim2-jal2 kur nu-ce-ga-zu u18-lu-zu he2-em-dul
38nij2-si-sa2 ki-en-gi ki-uri mu-ni-jar su kalam-ma mu-dug3
39dli-pi2-it-ec4-tar2 dumu den-lil2-la2 ud-gin7 dalla he2-ni-ed2
40iri a2-dam mac-gan2 ki jar-ra ka tec2 hu-mu-ra-ab-sig10
41uj3 saj gig2-ga u8-gin7 lu-a us2 zid hu-mu-ra-ab-sig9-ge5
42dli-pi2-<it-ec4-tar2> kur ki su3-ra2-ce3 lugal-bi he2-me-en
43jicgu-za mah nam-nun-na he2-du7 gi16-sa nam-lugal-la
44den-lil2-le zid-de3-ec ma-ra-an-cum2 suhuc-bi hu-mu-ra-ab-sig10
45dsuen aga saj-za mi-ni-in-ga-na muc3 nam-ba-an-tum2-mu
46den-ki-ke4 me nam-nun-na-ka ce-er-ka-an hu-mu-<ra>-ni-in-dug4
47dinana tug2 nam-nun-na-ka za-e-da hu-mu-X-de3-gub
48dudug sag9-ga dlama e2-kur-ra he2-me-da-sug2-sug2-ge-ec
49nidba jicjectin /ga?\ il2-la-zu cu he2-em-da-jal2-jal2
50dumu nij2-dim2-ma [d]en-lil2-la2-me-en nij2 hu-<mu>-ra-ab-dug3-dug3
2 lines missing


54dijir ni2 gur3 /cag4-ge pad3-da dumu\ /den\-[lil2-la2] nij2 ha-ra-ab-gu-ul-[gu-ul]


56an-e dug4-ga-ni nam dug3 tar-[ra-am3]
57an gal-e dug4-ga-ni nam dug3 [tar-ra-am3]
58dli-<pi2-it-ec4-tar2> dumu den-lil2-la2-ra cu [...]

59u19-ru1 2-bi-im

60a-da-ab an-[na-kam]

Top | Home This composition: translation | bibliography

Revision history

26.v.1999 : GZ : standardization
29.vii.1999 : JAB : proof-reading
26.viii.1999 : GZ : SGML tagging
03.ix.1999 : ER : proofreading SGML
03.ix.1999 : ER : converting to HTML 4.0
7.ix.2001 : ER : header and footer reformatted; substantive content of file not changed