ETCSLtransliteration : c.1.8.1.1 ETCSL homepage

Gilgamec and Aga

1. lu2-kij2-gi4-a ag-ga dumu en-me-barag-ge4-si-ke4 (Cited in OB catalogue from Nibru, at Philadelphia, 0.2.01, line 12; OB catalogue from Urim (U2), 0.2.04, line 12)
2. kicki-ta dgilgamec2 unugki-ce3 mu-un-ci-re7-ec
3. dgilgamec2 igi ab-ba iriki-na-ce3
4. inim ba-an-jar inim i3-kij2-kij2-e
5. tul2 til-le-da tul2 kalam til-til-le-da
6. tul2 nij2 ban3-da kalam til-til-le-da
7. tul2 buru3-da ec2 la2 til-til-le-da
8. e2 kicki-ce3 gu2 nam-ba-an-ja2-ja2-an-de3-en jictukul {nam-ba-an-sag3-ge-en-de3-en} {(2 mss. have instead:) ga-am3-ma-sag3-ge-en-de3-en}
9. unken jar-ra ab-ba iri-na-ka
10. dgilgamec2 mu-na-ni-ib-gi4-gi4
11. tul2 til-le-da tul2 kalam til-til-le-da
12. tul2 nij2 ban3-da kalam til-til-le-da
13. tul2 buru3-da ec2 la2 til-til-le-da
14. e2 kicki-ce3 {gu2 ga-am3-ja2-ja2-an-de3-en jictukul nam-ba-sag3-ge-en-de3-en} {(1 ms. has instead:) gu2 nam-ba-ja2-ja2-an-de3-en [jictukul] ga-am3-ma-sag3-ge-en-de3-en}
15. dgilgamec2 en kul-aba4ki-a-ke4
16. dinana-ra nir-jal2-la-e
17. inim ab-ba iri-na-ke4 cag4-ce3 nu-mu-na-gid2
18. 2-kam-ma-ce3 dgilgamec2 {(1 ms. adds:) en kul-abaki-a-ke4} igi juruc iriki-na-ce3
19. inim ba-an-jar inim i3-kij2-kij2-e
20. tul2 til-le-da tul2 kalam til-til-le-da
21. tul2 nij2 ban3-da kalam til-til-le-da
22. tul2 buru3-da ec2 la2 til-til-le-da
23. e2 kicki-ce3 {gu2 nam-ba-an-jar-re-en-ze2-en jictukul nam-ba-an-sag3-ge-en-ze2-en} {(1 ms. has instead:) gu2 /nam-ba-ja2-ja2-an-de3\-[en] /jic\tukul ga-am3-ma-sag3-/ge-en-de3-en\}
24. unken jar-ra juruc iriki-na-ka dgilgamec2 mu-na-ni-ib-gi4-gi4
25. gub-gub-bu-de3 tuc-tuc-u3-de3
26. dumu lugal-la da ri-e-de3
27. zib2 ance dab5-dab5-be2-e-de3
28. a-ba zi-bi mu-un-tuku-e-ce
29. e2 kicki-ce3 gu2 nam-ba-an-jar-re-en-ze2-en jictukul nam-ba-an-sag3-ge-en-de3-en
30. unugki jic-kij2-ti dijir-re-e-ne-ke4
31. e2-an-na e2 an-ta ed3-de3
32. dijir gal-gal-e-ne me-dim2-bi ba-an-ak-ec-am3
33. bad3 gal {bad3 an-ne2 ki us2-sa} {(1 ms. has instead:) muru9 ki us2-sa-a-ba}
34. ki-tuc mah an-ne2 {jar-ra-ni} {(1 ms. has instead:) jar-ra-a-ba}
35. saj mu-e-sig10 za-e lugal ur-saj-bi
36. saj lum-lum nun an-ne2 ki aj2
37. du-a-ni-ta a-gin7 ni2 ba-an-te
38. erin2-bi al-tur a-ga-bi-ta al-bir-re
39. lu2-be2-ne igi nu-mu-un-da-ru-gu2-uc
40. ud-bi-a dgilgamec2 en kul-aba4ki-ke4
41. inim juruc iri-na-ce3 cag4-ga-ni an-hul2 ur5-ra-ni ba-an-zalag
42. cubur-a-ni en-ki-du10-ra gu3 mu-na-de2-e
43. ne-ec2 jiccu-kar2 a2 me3 sa he2-em-mi-gi4
44. jictukul me3 a2-zu-ce3 he2-em-mi-gi4
45. ni2 gal me-lem4-ma he2-em-dim2-dim2-e
46. e-ne du-a-ni-ta ni2 gal-ju10 he2-eb-cu2
47. dim2-ma-ni he2-suh3 jalga-a-ni he2-bir-re
48. ud nu-5-am3 ud nu-10-am3
49. ag-ga dumu en-me-barag-ge4-si-ke4 unugki zag-ga ba-an-dab5-be2-ec
50. unugki-ga dim2-ma-bi ba-an-suh3
51. dgilgamec2 en kul-abaki-ke4
52. ur-saj-be2-ne-er gu3 mu-ne-de2-e
53. ur-saj-ju10-ne igi {mu-un-suh-suh-u3-ne} {(2 mss. have instead:) saj5-saj5-en-ze2-en}
54. cag4 tuku he2-en-zi-zi-i ag-ga-ce3 {ga-an-ci-jen} {(1 ms. has instead:) ga-an-gi4}
55. BIR-HAR-tur-ra lu2-saj-lugal-a-ni
56. lugal-a-ni-ir za3-mi2 mu-un-na-ab-be2
57. {(2 mss. add:) lugal-ju10} je26-e ag-ga-ce3 {ga-an-ci-jen} {(1 ms. has instead:) /ga\-na-gud-gu4-ud}
58. dim2-ma-ni he2-suh3 jalga-a-ni he2-bir-re
59. BIR-HAR-tur-ra abul-la ba-ra-e3
60. BIR-HAR-tur-ra abul-la ed2-da-ni
61. kan4 abul-la-ka mu-ni-in-dab5-be2-ec
62. BIR-HAR-tur-ra sukux(SUKUD)-ra2-ni mu-ni-in-gum-gum-ne
63. igi ag-ga-ce3 mu-ni-in-te?
64. ag-ga-ce3 gu3 mu-na-de2-e
65. inim-ma-ni nu-un-til zabar-dab5 unugki-ga-ke4 bad3-ce3 im-me-ed3-de3
66. bad3-da gu2-na im-ma-an-la2
67. ag-ga igi im-ma-ni-in-du8
68. BIR-HAR-tur-re gu3 mu-na-de2-e
69. arad2 lu2 ce lugal-zu-u3
70. lu2 ce lugal-ju10 in-nu
71. /lu2\ ce lugal-ju10 he2-me-a
72. saj-ki huc-a-ni he2-me-a
73. igi alim-ma-ka-ni he2-me-a
74. sun4! na4za-gin3-na-ka-a-ni he2-me-a
75. cu-si sag9-ga-ni he2-me-a
76. car2-ra la-ba-an-cub-bu-uc car2-ra la-ba-an-zig3-ge-ec
77. car2-ra sahar-ra la-ba-an-da-car2-re-ec
78. kur-kur du3-a-bi la-ba-an-da-cu2-a
79. ka ma-da-ka sahar-ra la-ba-da-an-si
80. si jicma2-gur8-ra-ka la-ba-ra-an-kud
81. ag-ga lugal kicki-a cag4 erin2-na-ka-ni caja-a la-ba-ni-in-ak
82. mu-ni-ib-ra-ra-ne mu-ni-ib-sag3-sag3-ge-ne
83. BIR-HAR-tur-re sukux(SUKUD)-ra2-ni mu-ni-in-gum-gum-ne
84. ejer zabar-dab5 unugki-ga-ke4 dgilgamec2 bad3-ce3 im-me-ed3-de3
85. ab-ba di4-di4-la2 kul-aba4ki-a-ke4 me-lem4 bi2-ib-cu2-cu2
86. juruc unugki-ga-ke4 jictukul me3 a2-ne-ne bi2-in-si
87. jicig abul-la-ka sila-ba bi2-in-gub
88. en-ki-du10 abul-la dili ba-ra-e3
89. dgilgamec2 bad3-da gu2-na im-ma-an-la2
90. igi bar-re-da-ni ag-ga igi ba-ni-in-du8
91. arad2 lu2 ce lugal-zu-u3
92. lu2 ce lugal-ju10 i3-me-a
93. bi2-in-dug4-ga-gin7-nam
94. car2-ra ba-an-cub-bu-uc car2-ra ba-an-zig3-ge-ec
95. car2-ra sahar-ra ba-an-da-car2-re-ec
96. kur-kur du3-a-bi ba-an-da-cu2-am3
97. ka ma-da-ka sahar-ra ba-da-an-si
98. si jicma2-gur8-ra-ke4 ba-/ra-an-kud\
99. ag-ga lugal kicki-a cag4 erin2-na-ka-ni caja-a ba-ni-in-ak
{
(1 ms. adds 1 line:)
99A. /juruc\ unugki-ga-ke4 erin2-bi X /A\ X /BA?\ X
}
100. dgilgamec2 en kul-aba4ki-ke4
101. {ag-ga-a gu3 mu-na-de2-e} {(1 ms. has instead:) [ag]-ga-ac sa2 mu-na-ni!-/ib-be2\}
102. ag-ga ugula-ju10 ag-ga nu-banda3-ju10
{
(1 ms. adds 1 line:)
102A. [ag]-ga ensi2-ju10 ag-ga /cagina-ju10\
}
103. ag-ga cagina erin2-na-ju10
104. ag-ga zi ma-/an-cum2\ ag-ga nam-til3 ma-an-cum2
105. ag-ga lu2-kar-ra ur2-ra bi2-in-tum2-mu
106. ag-ga mucen kar-ra ce bi2-ib-si-si
107. unugki jic-kij2-ti dijir-re-e-ne-ke4
108. bad3 gal {bad3 an-ne2 ki us2-sa} {(the other ms. has instead:) muru9 ki us2-/sa-a-ba\}
109. ki-tuc mah an-ne2 {jar-ra-ni} {(the other ms. has instead:) /jar-ra\-[a]-/ba\}
110. saj mu-sig10 {za-e lugal ur-saj-bi} {(the other ms. has instead:) cu-ju10 /im-mi-ib-gi4\}
111. saj lum-lum nun an-ne2 ki aj2 (the other ms. omits this line)
112. igi dutu-ce3 cu ud-bi-ta e-ra-an-gi4
113. ag-ga kicki-ce3 cu {ba-ni-in-ba} {(1 ms. has instead:) ba-ni-in-bar}
114. dgilgamec2 en kul-aba4ki-a-ke4
115. za3-mi2-zu dug3-ga-am3

Print sources

Black 1995: commentary, translation (Discusses ll. 70-80 and 92-99)

Civil 1999-2000: commentary (Includes details of an unpublished source of ll. 1-60)

Cooper 1981: commentary

Edzard 1959: commentary

Falkenstein 1966: commentary

George 1999, p. 143-148: translation

Heimpel 1981a: commentary

Jacobsen 1970: commentary

Jacobsen 1970a: commentary

Jacobsen 1987, p. 345-355: translation, commentary

Katz 1987: commentary

Katz 1993: composite text, translation, commentary

Katz 1997: translation, commentary

Klein 1983: commentary

Kramer 1949: commentary

Lafont 1996: commentary

Lambert 1980: commentary

Malamat 1963: commentary

Marík 1998: commentary (esp. on l. 79 (97))

Michalowski 1982: commentary

Pettinato 1992, p. 307-311, 399-401: translation, commentary

Pettinato 1994: commentary

Römer 1980: commentary, translation, composite text

Römer 1993a, p. 549-559: translation, commentary

Tournay and Shaffer 1994, p. 282-291: translation

Vanstiphout 1986: commentary, translation

Vanstiphout 1987: commentary

Wilcke 1998a: commentary, handcopy

Wu 1998: commentary

Electronic sources

Civil 1989f: composite text

Krecher 1996: composite text

Krecher 1996a: composite text, translation

Vanstiphout 1998d: composite text, score transliteration, translation

Wilcke 1997: composite text

Cuneiform sources

CBS 4564 (PBS 10/2 5; photo AOAT 209/1 pl. vi)

CBS 6140 (SEM 29; photo AOAT 209/1 pl. vii-viii)

CBS 10355 (AJA 1949 fg. 1, photo pl. 1; FTS fg. 19 obv.]; photo AOAT 209/1 pl. v; new copy Fs. Römer p. 484) + N 3591 (Fs. Römer p. 484)

CBS 15164 (photo AOAT 209/1 pl. x-xi

HS 1485 (TMH NF 4 5)

HS 1515 (TMH NF 4 6) + Ni 9743 (ISET 2 53; fg. 5)

JRL n/u (BJRL 19 369ff.; photo AOAT 209/1 pl. i-iv)

N 1250 (NABU 1989 99)

N 4236 (photo AOAT 209/1 pl. ix)

Ni 2302 (SLTN 3)

Ni 2334 (SRT 38)

Ni 4351 (ISET 2 54; fg. 4)

Ni 4396 (ISET 2 20; fg. 3)

Ni 4402 (ISET 2 53; fg. 6)

Ni 4448 (ISET 2 54; fg. 2)

N 3563 (Fs. Römer p. 485)


Revision history

22.v.2000-29.v.2000: GC, editor: standardisation
16.viii.2000: JAB, editor: proofreading
17.viii.2000: GC, editor: SGML tagging
08.ix.2000: ER, editor: proofreading SGML
08.ix.2000: ER, editor: web publication
01.vi.2003: GC/JE, editor/technical developer: XML/TEI conversion
30.iii.2005: GC/JE, senior editor/technical developer: lemmatised version published

ETCSL homepage

© Copyright 2003, 2004, 2005, 2006 The ETCSL project, Faculty of Oriental Studies, University of Oxford
Updated 2006-12-19 by JE

University of Oxford