The Electronic Text Corpus of Sumerian Literature

ETCSLtransliteration : c.2.5.4.11

A hymn to Inana for Icme-Dagan (Icme-Dagan K)

1.	ki-sikil ^dinana dumu ^dsuen-na-ka
2.	me kalam-/ma dirig\ nij₂-nam-e sa₂ di
3.	an-na me dab₅-dab₅-be₂ ki-a me ur₄-ur₄-e
4.	il₂-la dib^? saj an-ne₂ us₂-e
5.	me-lem₄-a-ni izi sud-e il₂-la-gin₇ ji₆ u₃-na bi₂-gen₆
6.	dijir na-me gaba-ri-ni-ce₃ nu-gub-bu e-ne-ra im-ma-zal
7.	^dinana-ra an tuku₄-tuku₄-e ki sag₃-sag₃-ge
8.	ub-da 4-ba cu-ni jal₂-le nam-nin gal-bi ak
9.	me₃ cen-cen-e ka du₈-e jic jic-e la₂-e
10.	nam-ur-saj-bi am sumun₂-gin₇ tec₂-bi-da du₇-du₇
11.	uc₂ erim₂-ma a-gin₇ ki-e na₈-na₈ ad₆^!-bi jar-jar-e
12.	erin₂ gar₃ dar-ra-bi nam-ra-ac cum₂-mu igi-a sug₂-ga-bi
13.	uj₃ ki-ta an-na-ce₃ ed₃-de₃ uj₃ {kur₂} {(1 ms. has instead:) car₂} ki cu bal-e
14.	zalag ku₁₀-ku₁₀-ce₃ du₃ ku₁₀-ku₁₀ zalag-ce₃ dib-be₂
15.	[^den-lil₂] [^d]nin-lil₂-bi kug ^dinana-ra mu-na-an-cum₂-mu-uc
16.	[an ki]-a gaba-ri nu-mu-ni-in-tuku-uc
17.	e₂ [X X] ama₅ ki ja₂-ja₂ saj-e-ec mu-ni-in-rig₇-ec
18.	dam X [...]-/ce₃^?\ cum₂-mu tec₂-bi dug₃-ge nam-ce₃ mu-ni-in-tar-re-ec
19.	ni₂-tuku-na ki-tuc ki jar-ra-na cag₄ zalag-ga ja₂-ja₂
20.	ni₂ nu-tuku-na e₂ du₃-a-na ur₅ sag₉-ge nu-ja₂-ja₂
21.	nitah munus-a munus nitah-a-bi ku₄-ku₄ cu bal ba-a-ak
22.	ki-sikil-e-ne nam-juruc-e tug₂ zid-da mu₄-mu₄
23.	juruc-e-ne nam-ki-sikil-e-ec₂ tug₂ gab₂-bu mu₄-mu₄
24.	(written in six short lines on the edge; must belong here on the basis of the content) X zu [nitah-e]-ne ^jic^?bal cu-ba^? ja₂^?-ja₂ munus-e-ne-er ^jictukul cum₂-mu
25.	eme bungu munus-e e-ne di
26.	eme munus-e bungu e-ne [di ]
27.	nij₂ galam-ma jar-jar ja₂ kur₂-ra KA-ge TUM [X]
28.	^den-lil₂ ^dnin-lil₂-bi ^dinana-ra cu-ni-ce₃ mu-un-jar-[re-ec]
29.	e₂-gal e₂ nam-nin-ka-ni nu-gig an-na-ra
30.	mu-na-an-du₃-uc [su] zig₃ im-da-ri-ec
31.	^jicrab₃ kur-kur-ra-ka mi-ni-in-kur₉-re-ec ni₂ me-lem₄ bi₂-in-guru₃-uc
32.	saj gig₂ cu ri-ri-e-de₃ KA-bi X MA X [...]
33.	di uj₃ car₂-ra si sa₂-e-de₃ zid tam-me X [...]
34.	lu₂ nij₂-a₂-zig₃ ka-ga₁₄ mi-ni-in-jal₂-la-ar jar-[X]
35.	kilib₃-ba-bi kug ^dinana-ra cu-ni im-mi-in-si-[si-ec]
36.	^dic-me-^dda-gan saj us₂ muc nu-tum₂-mu MU A₂ X X cum₂
37.	^den-lil₂ ^dnin-lil₂-bi nu-pad₃ dam-ce₃ mu-na-an-cum₂-mu-uc
38.	e₂ dijir-re-e-ne du₃-du₃-de₃ cukur₂-ud-bi cub-cub-bu-de₃
39.	gi-gun₄-na-bi cen-cen-e-de₃ barag-bi kug-ge-de₃
40.	unu₂-ba kurun₂ lal₃ /kac\ kurun-bi ud cu₂-uc gen₆-ne₂-de₃
41.	^dinana ^dic-me-^dda-gan-bi
42.	^den-lil₂ ^dnin-lil₂-bi saj-e-ec mu-ni-in-rig₇-ec
43.	nibru^ki mah en nin-zu-gin₇ dijir na-me nu-dib
44.	cag₄-zu-a ki-sikil ^dinana-ra me mu-na-ni-in-cum₂-mu-uc
45.	^dic-me-^dda-gan-me-en du-ri₂-ce₃ ka-ga₁₄ mu-ni-jar

Print sources

Römer 1988a: score transliteration, translation, photograph, commentary

Electronic sources

Krecher 1996b: composite text, translation

Tinney 1998jj: composite text

Cuneiform sources

Ni 2485:1-44 (SRT 36)

UCLM 9-1914 (JCS 28 104)

Revision history

07.iii.2000: GZ, editor: standardisation
27.v.2000: JAB, editor: proofreading
08.vi.2000: GZ, editor: SGML tagging
09.vi.2000: ER, editor: proofreading SGML
09.vi.2000: ER, editor: web publication
01.vi.2003: GC/JE, editor/technical developer: XML/TEI conversion
30.iii.2005: GC/JE, senior editor/technical developer: lemmatised version published