The Electronic Text Corpus of Sumerian Literature
Catalogues: by date | by number | in full | Website info: navigation help | site description | display conventions | recent changes
Project info: consolidated bibliography | about the project | credits and copyright | links This composition: translation | bibliography

Enki and Ninmah: composite text

¹ud re-a-ta ud an ki-bi-ta ba-an-[dim₂-ma-ba]
²ji₆ re-a-ta ji₆ an ki-bi-ta /ba\-[an-dim₂-ma-ba]
³[mu re]-a-/ta\ mu nam ba-[tar-ra-ba]
⁴[^da]-/nun\-na-ke₄-ne ba-tu-ud-da-a-ba
^5dama-^dinana nam-NIR.PA-ce₃ ba-tuku-a-ba
^6dama-^dinana an ki-a ba-hal-hal-la-a-ba
^7dama-^dinana [...] ba-a-pec u₃-tu-da-a-ba
⁸dijir kurum₆-ma-bi A X X unu₂^?-bi-ce₃ ba-ab-KEC₂-a-<ba>
⁹dijir car₂-car₂ kij₂-ja₂ al-sug₂-ge-ec dijir tur-tur du₂-lum im-il₂-il₂-e-ne
¹⁰dijir id₂ <im> dun-dun-u₃-ne sahar-bi ha-ra-li im-dub-dub-be₂-ne
¹¹ dijir im-ur₅-ur₅-re-ne zi-bi inim am₃-ma-jar-re-ne
¹²ud-ba jectug₂ dajal mud dijir car₂-car₂ jal₂-jal₂
^13den-ki-ke₄ engur buru₃ a sur-ra ki dijir na-me cag₄-bi u₆ nu-um-me
¹⁴ki-nu₂-ni i₃-nu₂ u₃ ku nu-um-zi-zi
¹⁵dijir er₂-ra im-pad-pad-ne a-nir jal₂ i₃-ak im-me-ne
¹⁶lu₂ ku-ra i₃-nu₂-a-ra ki-nu₂-bi nu-um-zi-zi-<ra>
^17dnamma-ke₄ ama palil u₃-tu dijir car₂-car₂-ra-ke₄-ne
¹⁸er₂-ra dijir-re-e-ne dumu-ni-ir ba-ci-in-de₆
¹⁹X mu-un-ci-nu₂-u₃-nam u₃ mu-un-ci-ku-ku-na-nam
²⁰[X]-TE BA [... nu-mu-un]-zi-zi
²¹dim₃-mi-ir cu dim₂-dim₂-ma-zu X gu₂^?-bi im-tu₁₀-tu₁₀-ne
²²du₅-mu-ju₁₀ ki-nu₂-zu zig₃-ga [i₃-bi₂]-ma-al-la-zu-ta na-aj₂-kug-zu u₃-mu-e-kij₂-ja₂
²³kij₂-sig₁₀ dim₃-mi-ir-e-ne-ke₄ u₃-mu-[e]-dim₂ du₂-lum-bi ha-ba-tu-lu-/ne\
^24den-ki-ke₄ inim ama-na ^dnamma-ke₄ ki-nu₂-na ba-ta-zig₃
²⁵hal-an-kug nijin₂ cag₄ kuc₂-u₃-da-na hac im-mi-/ni\-[ra]
²⁶jectug₂ jizzal en₃ tar [...] nam-kug-zu mud me-dim₂ nij₂-nam-ma SIG₇.EN.SIG₇.DUG₃ im-ta-an-e₃
^27den-ki-ke₄ a₂-ni ba-ci-in-de₆ jectug₂ i₃-ninni₂-e
^28den-ki-ke₄ mud me-dim₂ ni₂-te-a-na cag₄-bi jectu₂-ta u₃-mu-ni-ri-ge
²⁹ama-ni ^dnamma-ra gu₃ mu-un-na-de₂-e
³⁰ama-ju₁₀ mud mu-jar-ra-zu i₃-jal₂-la-am₃ zub-sig₃ dijir-re-e-ne KEC₂-i₃
³¹cag₄ im ugu abzu-ka u₃-mu-e-ni-in-car₂
³²SIG₇.EN.SIG₇.DUG₃ im mu-e-kir₃-kir₃-re-ne za-e me-dim₂ u₃-mu-e-ni-jal₂
^33dnin-mah-e an-ta-zu he₂-ak-e
^34dnin-imma ^dcu-zi-an-na ^dnin-ma-da ^dnin-barag {^dnin-barag}
^35dnin-mug ^dCAR.CAR.GABA ^dnin-gun₃-na
³⁶tu-tu-a-zu ha-ra-gub-bu-ne
³⁷ama-ju₁₀ za-e nam-bi u₃-mu-e-tar ^dnin-mah zub-sig₃-bi he₂-KEC₂
³⁸[...] i₃-du₃ nam-lu₂-ulu₃ [...]
³⁹[...]-ke₄^? nam-lu₂-ulu₃ am₃-[ma- ...]
⁴⁰[...] HA^? saj-e saj am₃-/ma\-[ ...]
⁴¹[...] dim₂-zu unu₆-RI-zu ga-a-/am₃\
⁴²[...] SAR-e jic-nu₁₁ mi-ni-in-il₂ nam-lu₂^?-[...]
⁴³[...] SIG₁₁ numun₂-e mi-ni-in-ri u₃-tu na-bi mu-ri
^44den-ki-ke₄ kij₂ ninni₂-da [X] mi-ni-in-la₂ cag₄-bi ba-hul₂
⁴⁵ama-ni ^dnamma ^dnin-mah-ce₃ jicbun na-am₃-ma-ni-in-jar
⁴⁶gu₂ SIG₇.EN.SIG₇.DU nun-ne-ke₄ nam-tar gi-saj ninda i-im-gu₇-e
⁴⁷an-e ^den-lil₂-bi en ^dnu-dim₂-mud-e mac kug i-im-cej₆-cej₆
⁴⁸dijir car₂-car₂-ra-ke₄-e-ne ka-tar i-im-si-il-le-ne
⁴⁹en jectug₂ dajal-la a-ba-a jectug₂ i₃-ri-ge
⁵⁰en gal ^den-ki-ke₄ nij₂-ak-ak-zu-ce₃ a-ba-a i₃-sig₁₀-ge
⁵¹a-a tu-da-gin₇ me nam tar-tar-ra me za-e al-me-en-na
^52den-ki-ke₄ ^dnin-mah-e kac im-na₈-na₈-ne cag₄-bi ul mu-un-te
^53dnin-mah-e ^den-ki-ra gu₃ mu-na-de₂-e
⁵⁴me-dim₂ na-aj₂-lu₂-ulu₃-ta sag₉-ge hul ma-al-la-a-kam
⁵⁵ki cag₄-gi₄-a-ju₁₀ na-aj₂-tar bi₂-ib-sig₁₀-ge bi₂-ib-hul-e
^56den-ki-ke₄ ^dnin-mah-e mu-na-ni-ib-gi₄-gi₄
⁵⁷nam-tar cag₄-ge de₆-a-zu sag₉-ge hul ma-al ga-am₃-ci-ib₂-la₂
^58dnin-mah-e im ugu abzu-a cu-ni mu-ni-in-ti
⁵⁹lu₂ gi cu cu₂-cu₂ sa₂-sa₂-de₃ nu-gam lu₂-u₃ am₃-ma-ni-in-dim₂
^60den-ki-ke₄ lu₂ gi cu cu₂-cu₂ sa₂-sa₂-de₃ nu-gam igi du₈-a-ni-ta
⁶¹nam-bi i-ni-in-tar saj lugal-la-ke₄ am₃-ma-ni-in-gub
⁶²gi₄-bi jic-nu₁₁ gi₄-gi₄ lu₂ u₆ e am₃-ma-ni-in-dim₂
^63den-ki-ke₄ jic-nu₁₁ gi₄-gi₄ lu₂ u₆ e igi [du₈-a-ni-ta]
⁶⁴nam-bi i-ni-in-tar nam-nar mi-ni-in-ba
⁶⁵[X]-gal ucumgal-la igi lugal-la-ke₄ am₃-[ma]-ni-in-[gub]
⁶⁶pec-bi [jiri₃ 2] hum jiri₃ dab₅-ba-a [am₃-ma-ni-in-dim₂]
(1 ms. has instead: [lu₂] pec-bi lu₂-lil u₃-tu-bi lu₂-u₃ am₃-ma-[...])
^67den-[ki-ke₄] jiri₃ 2^! hum jiri₃ dab₅-ba igi [du₈-a-ni-ta]
(1 ms. has instead: ^den-ki-ke₄ lu₂-lil u₃-tu-bi lu₂-u₃ igi du₈-a-ni-/ta\)
⁶⁸kij₂-[...] ku₃-babbar-dim₂ me-lem₄-ma-ni /am₃\-[ma]-ni-in-[X]
(1 ms. has instead: nam-bi i-ni-/in-tar\ saj lugal-la-ke₄ im-ma-ci-in-gub)
⁶⁹pec-gi lu₂ a sur-sur-ra am₃-[ma]-ni-dim₂
^70den-ki-ke₄ lu₂ a sur-sur-ra igi du₈-a-ni-ta
⁷¹a tu₆-tu₆ mi-ni-in-tu₅ nam-tar su-bi am₃-ma-ni-in-zig₃
⁷²pec-pec-gi munus nu-u₃-tu am₃-ma-ni-in-dim₂
^73den-ki-ke₄ munus nu-u₃-tu igi du₈-a-ni-ta
⁷⁴nam-bi /mi\-ni-in-tar e₂-mi₂-a-ke₄ am₃-ma-ni-in-du₃ (1 ms. has instead: uc-bar mu-ni-in-du₈ e₂-mi₂-a-kam am₃-ma-ci-in-dim₂)
⁷⁵pec-bal-gi lu₂ su-ba jic₃ nu-jar gal₄-la nu-jar am₃-ma-ni-dim₂
^76den-ki-ke₄ lu₂ su-ba jic₃ nu-jar gal₄-la nu-jar igi du₈-a-ni-ta
^77dnibru^ki tiru(GAL.TE^?)-e mu-e mu-ni-in-sa₄-a
⁷⁸igi lugal-la-ke₄ gub-bu-de₃ nam-bi a-ma-ni-in-tar
^{79 d}nin-mah-e im nijin₂ cu-na ki-a mu-un-cub lul-ac lib mu-un-jar (1 ms. has instead: ^den-ki-ke₄ im cu nijin₂-na ki-a in-cub lul-ac i₃-ni-gi)
⁸⁰en gal ^den-ki-ke₄ ^dnin-mah-a-ra gu₃ mu-un-[na]-de₂-e
⁸¹lu₂ cu dim₂-ma-zu-ce₃ nam-bi i-ni-in-tar ninda i-ni-in-cum₂
⁸²je₂₆-e ga-na ga-mu-ra-ab-dim₂ za-e u₃-tu-bi nam-bi tar-ra-ab
^83den-ki-ke₄ me-dim₂ saj-ja₂ X-ga^? ka cag₄-ba a-ma-ni-dim₂
^84dnin-mah-a-ra gu₃ mu-un-na-de₂-e
⁸⁵a jic₃-ak cag₄ munus-a-ka ri-a (1 ms. has instead: a gan cag₄ munus-a-ka) a cag₄-ga-na munus-bi mu-un-u₃-tu
^86dnin-mah [...] u₃-tu-bi-ce₃ am₃-mi-ni-gub
⁸⁷munus-bi ud-bi [...] ga AC X KA cag₄-ba i-in-cub (1 ms. has instead: saj-bi-ic [ba]-/ra\-an-ed₂)
^dnin-[mah] [...] i₃-si-ig
⁸⁸gi₄-bi u₄-mu-ul a-za-ad-bi gig-ga ki-nam-X-bi gig-ga igi-bi gig-ga gu₂-bi gig-ga
⁸⁹zi til-til ti sur-sur mur gig-ga cag₄ gig-ga lipic gig-ga
⁹⁰cu-bi^!(ni) a-za-ad la₂-la₂ ka-bi-ce₃ ninda nu-jar murgu₂ [saj]-du ze₂-re
⁹¹zag-ce sur jiri₃ sur-sur a-gar₃ nu-DU am₃-ma-ni-/in\-dim₂
^92den-ki-ke₄ ^dnin-mah-ra gu₃ mu-na-de₂-e
⁹³lu₂ cu dim₂-ma-zu nam i-ni-in-tar ninda mi-ni-[cum₂]
⁹⁴za-e lu₂ cu dim₂-ju₁₀-uc nam-bi tar-ra-ab ninda he₂-[...-cum₂]
^95dnin-mah-e u₄-mu-ul igi [du₈-a-ni-ta e-ne]-ce₃ ba-e-gi₄
⁹⁶u₄-mu-ul mu-na-te en₃ mu-na-tar-tar-re du₁₁-ga nu-zu-e
⁹⁷ninda gu₇-a-ni-ce₃ mu-na-ab-de₆ cu nu-mu-na-da-gid₂-/de₃\
^98jicgur₈-u₆ cag₄^? nu-mu-na-nu₂ nu-mu-da-an-jal₂-jal₂
⁹⁹gub [nu]-mu-da-tuc nu-mu-da-nu₂ e₂ nu-mu-da-[X] ninda nu-mu-da-[gu₇]
^100dnin-mah-e ^den-ki-ra inim-ma mu-[...-gi₄-gi₄]
¹⁰¹lu₂ cu dim₂-ma-zu lu₂ til₃-la in-nu lu₂ [ug₅-ga] /in\-nu il₂-bi nu-mu-da
^102den-ki-ke₄ ^dnin-mah-e mu-na-ni-ib-gi₄-gi₄
¹⁰³lu₂ gi cu sig-ra nam mi-ni-tar ninda mi-ni-in-cum₂
¹⁰⁴lu₂ jic-nu₁₁ gi₄-gi₄-ra nam mi-ni-tar ninda mi-ni-in-cum₂
¹⁰⁵/lu₂\ jiri₃ hum dab₅-ra nam mi-ni-tar ninda mi-ni-in-cum₂
¹⁰⁶lu₂-a [sur-sur]-ra nam mi-ni-tar [ninda mi-ni-in-cum₂]
¹⁰⁷munus nu-[u₃-tu]-ra nam mi-ni-tar /ninda\ mi-ni-/in\-[cum₂]
¹⁰⁸lu₂ [su-ba jic₃ nu-jar gal₄-la nu-jar]-ra nam mi-ni-[tar ninda mi-ni-in-cum₂]
¹⁰⁹nin₉-ju₁₀ [...]
¹¹⁰[...]
¹¹¹A [...]
^112dnin-[mah-e] [^den-ki-ra gu₃ mu-na-de₂-e]
¹¹³aj₂-[...]
¹¹⁴aj₂-/ja₂\ [...]
¹¹⁵ma-a [...]
¹¹⁶aj₂-ja₂ [...]
¹¹⁷aj₂-ja₂ [...]
¹¹⁸aj₂-[ga₂] X [...]
¹¹⁹[...]
¹²⁰[...]
¹²¹[...] X X DU [...]
¹²²[...] NI DU AG₂ TAG-ce₃ [mu-ni]-/in\-kur₉-re
¹²³a₂-ce₃ an nu-mu-e-tuc ki nu-[mu-e]-tuc i-bi₂ il₂-la-zu ka-na-aj₂-ja₂ nu-ed₂-en
¹²⁴ki za-e nu-tuc-en e₂-ju₁₀ du₃-a inim-zu mu (1 ms. has instead: jic) nu-tuku
¹²⁵ki za-e nu-til₃-en iri-ju₁₀ du₃-a nij₂-ju₁₀ lib ba-sig₉-ge-en
¹²⁶[uru]-ju₁₀ gel-le-ej₃-ja₂ e₂-ju₁₀ gul-la du₅-mu-<ju₁₀> (1 ms. has instead: dumu-ju₁₀) cu dab₅-ba
¹²⁷[lu₂]-kar-ra-jen e₂-kur-ta ed₂-jen (1 ms. has instead: ed₂-a)
¹²⁸ud me-e nij₂-ju₁₀ cu-zu-ta cu la-ba-ra-ed₂
^129den-ki-ke₄ ^dnin-mah-ra mu-na-ni-ib-gi₄-gi₄
¹³⁰inim ka-zu ed₂-a a-ba-a i₃-kur₂-re
¹³¹u₄-mu-ul X-tu dab₅-ba ur₂-zu-ta cu jal₂-ab-ta
^132dnin-mah^? kij₂-ja₂-zu he₂-bi₂-la₂-la₂ cu nu-du₇ ma-dab₅ a-ba-am₃ saj mu-un-ja₂-ja₂
¹³³lu₂ me^?-dim₂^?-ju₁₀ ejir-zu-ce₃ tuku-a ka-bi cu he₂-bi₂-jal₂
¹³⁴ud-da jic₃-ju₁₀ me-tec₂ ha-ba-i-i jectug₂ ri-ge-zu he₂-jal₂
¹³⁵enkum ninkum
¹³⁶ud-X jiri₃ cub-cub gu₂ nam-bi-[...] ka-tar-zu he₂-[si-il]-le-ne
¹³⁷nin₉-ju₁₀ a₂ nam-ur-saj-ja₂ [...] DU
¹³⁸cir₃ [...] nam-dub^? [...]
¹³⁹dijir jic tuku-a-bi u₄-mu-ul du₃^? [...] e₂-ju₁₀ he₂-ak-[e]
^140dnin-mah-e en-gal ^den-ki-ke₄ zag nu-mu-ni-in-du
¹⁴¹a-a ^den-ki za₃-mi₂-zu dug₃-ga

Top | Home This composition: translation | bibliography

Revision history

09.ii.1998-16.ii.1998 : GZ : standardisation
22.ii.1998 : JAB : proofreading
07.v.1999 : GC : tagging
14.v.1999 : ER : proofreading SGML
14.v.1999 : ER : converting to HTML 4.0
7.ix.2001 : ER : header and footer reformatted; substantive content of file not changed