The Sargon legend: composite text

Segment A

¹ec₃ ma₂-/gur₈-gin₇\ [ ... ]
²gir₄ mah-bi X [...]
³id₂-bi a hul₂-la da-[ri₂...]
⁴a-gar₃-bi ^jical-e ri-e-de₃ /acag\ [...]
⁵e₂ kic^ki-a iri lil₂-la-gin₇ mac-gan₂ gi₄-[gi₄-de₃]
⁶lugal-bi sipad ur-^dza-ba₄-/ba₄\
⁷e₂ kic^ki-a-ka ^dutu-gin₇ am₃-ed₂
⁸nam-lugal-la-na bal-bi cu kur₂-ru-de₃ e₂-gal-/la\ LAM-bi su₃-ra₂-X-[(X)]
⁹an ^den-lil₂ inim kug-ga-ne-ne-a zid-de₃-ec X [X X]
¹⁰ki ud-bi car-ru-um-ki-in iri-ni /iri\ [...]
¹¹ad-da-ni la-i-bu-um ama-/ni\ [...]
¹²car-ru-um-ki-in cag₄ dug₃-ga mu-[...]
¹³mu im-ta-tu-ud-da-ac X [...]
unknown number of lines missing

Segment B

¹ud ne ud-te-en-e um-ma-tej₃-a-ta
²^mcar-ru-um-ki-in sa₂-dug₄ e₂-gal-ce₃ im-de₆-a-ba
³itima kug ki-tuc kug-ga-ni-a im-ma-da-an-nu₂
⁴cag₄-ga-ni-ce₃ mu-un-zu eme-na nu-ja₂-ja₂ lu₂-da nu-mu-un-da-ab-be₂
⁵^mcar-ru-um-ki-in sa₂-dug₄ e₂-gal-ce₃ cu ba-ab-tej₃-a-ta
⁶MUC₃.KA.UL mu-un-sig₁₀-ga ^jicgu₂-ne-saj-ja₂ mu-un-dab₅-be₂
⁷kug ^dinana-ke₄ da-bi-a muc₃ nu-tum₂-me
⁸ud 5-am₃ ud 10-am₃ ba-zal-la-ta
⁹lugal ^dur-^dza-ba₄-ba₄ im-da-la₂ ki-tuc-bi-ta mi-ni-ib-hu-luh
¹⁰pirij-gin₇ cag₄ pap-hal-la-na kac₃ biz^!-biz cag₄-ba uc₂ lugud si-a-ba
¹¹i₃-/kuc₂\ ku₆ a mun lu-ga-gin₇ zi mu-un-di-ni-ib-ir-ir
¹²ud-ba MUC₃.KA.UL e₂-din ^dezina₂-ka
¹³^mcar-ru-um-ki-in u₃-sa₂-gin₇ la-ba-nu₂ ma-mu₂-de₃ ba-nu₂
¹⁴kug ^dinana-ke₄ ma-mu₂ id₂ mud-ce₃ mu-un-gir₅-gir₅
¹⁵^mcar-ru-um-ki-in dum-dam-ma-na zu₂ ki-/ce₃\ ba-da-ab-ra-/ah\
¹⁶dum-dum-bi lugal ^dur-^dza-ba₄-ba₄ jic tuku-tuku-da-ni
¹⁷lugal-ra ki kug-ga-ni-ce₃ im-ma-da-an-/sun₅\-ne-ec
¹⁸^mcar-ru-um-ki-in ki ^dur-^dza-ba₄-ba₄-ce₃ im-ma-da-an-sun₅-ne
¹⁹MUC₃.KA.UL^! (ms: GA) ma-mu₂ ji₆-u₃-[(na X)]-/na u₃\-mu-ri-du₈
²⁰^mcar-ru-um-ki-in lugal-a-ni im-ma-ni-ib-gi₄-gi₄
²¹lugal-ju₁₀ ma-mu₂-ju₁₀ u₃-mu-ri-dug₄-ga
²²lu₂ ki-sikil 1-am₃ an-gin₇ sukud-da-ni ki-gin₇ dajal-la-ni
²³/suhuc^?\ bad₃-da-gin₇ jar-jar-ra
²⁴[id₂] /mah id₂ mud\-ce₃ ja₂-ra mu-un-gir₅-re-de₃-en
²⁵[(X)] X [^d]/ur\-[^dza]-/ba₄\-ba₄ nundum KA bi₂-in-/gu₇\ ni₂ cag₄-/ce₃\ ba-gid₂
²⁶[...] X NA /AN\ [X] sukkal-a-ni /gu₃\ mu-na-de₂-e
²⁷[...] /nin₉\ e-ju₁₀ kug ^dinana-ke₄
²⁸[...] X X mud-ce₃ u-ju₁₀ mu-un-kur₉-re
²⁹[X] X ^mcar-ru-um-ki-in MUC₃.KA.UL id₂ mah mu-un-gir₅-gir₅
³⁰^mbe-li₂-ic-ti-kal₂ gal-simug lu₂ cag₄-ga de₆-a-ju₁₀ im sar-sar
³¹inim ga-ra-ab-dug₄ /inim-ju₁₀\ [he₂]-dab₅
³²/na-ri-ga\-ju₁₀ /jizzal he₂-em-ci\-ak
³³ne-ce₃ MUC₃.KA.UL zabar-cu-ja₂ a-ra-X-ab-de₆
³⁴e₂-[sikil]-/la\ e₂ nam tar-ra-ka alan-gin₇ /kuc₃-kuc₃-a\ sig₁₀-bi₂-ib
³⁵^mbe-li₂-ic-ti-kal₂ inim lugal-la-na-ce₃ saj kec₂ ba-ci-in-ak
³⁶e₂-sikil e₂ nam tar-ra-ka kuc₃-kuc₃-a si mu-un-sa₂
³⁷lugal-e ^mcar-ru-um-ki-in gu₃ mu-na-de₂-e
³⁸jen-na zabar-cu-ja₂ gal-simug-ce₃ tum₂-mu-na-ni-ib
(inserted here from the edge:
^38A ^mcar-ru-um-ki-in e₂-gal ^dur-^dza-ba₄-ba₄ im-ma-da-ra-ab-ed₂)
³⁹kug ^dinana-ke₄ /zag zid-da\-ni muc₃ nu-tum₂-mu
⁴⁰e₂-sikil-la e₂ nam tar-ra-ka 5 nindan 10 nindan nu-tej₃-a-na
⁴¹kug ^dinana-ke₄ igi mu-/un-na\-ninni₂ jiri₃-ni im-da-ru
⁴²e₂-sikil-la e₂ kug-ga na-nam lu₂ mud nu-mu-un-kur₉-re
⁴³ka₂ e₂ nam tar-ra-ka gal-/simug^!\ lugal-la-/ke₄ gaba\ mu-un-da-ri
⁴⁴zabar-cu lugal-la-ke₄ gal-simug-/ce₃\ mu-un-de₆-a-ta
⁴⁵^mbe-li₂-ic-/ti\-kal₂ gal-simug im-/da\-la₂ alan-gin₇ kuc₂-kuc₂-a ba^!-da-ab-sig₁₀-ga-bi
⁴⁶^mcar-ru-um-ki-in ud 5-am₃ ud 10-am₃ ba-zal-la-ta
⁴⁷ki ^dur-^dza-ba₄-ba₄ lugal-la-na-ce₃ im-ma-da-an-ku₄-ku₄
⁴⁸cag₄ e₂-gal kur gal-gin₇ /ki us₂\-sa im-/ma-da\-an-ku₄-ku₄
⁴⁹lugal ^dur-^dza-ba₄-ba₄ im-da-la₂ ki-tuc-/bi\-ta mi-ni-ib-hu-luh
⁵⁰cag₄-ga-ni-ce₃ mu-un-zu eme-na nu-ja₂-ja₂ lu₂-da nu-mu-un-da-ab-be₂
⁵¹itima-ka ki-tuc kug-ga-ni ^dur-^dza-ba₄-ba₄ mi-ni-ib-hu-luh
⁵²cag₄-ga-ni-ce₃ mu-un-zu eme-na nu-ja₂-ja₂ lu₂-da nu-mu-un-da-ab-be₂
⁵³ud-bi-ta <inim> im-ma /gub-bu he₂-jal₂\ im /si-si-ge\ ba-ra-jal₂-la-am₃
⁵⁴lugal ^dur-^dza-ba₄-ba₄ ^mcar-ru-um-ki-in dijir-re-e-ne cu dug₄-ga-ar
⁵⁵im-ma gub-bu nij₂ ni₂ ba-ug₇-a-ta
⁵⁶unug^ki-ga lugal-zag-ge₄-e-si cu ba-ni-ib-da₁₃-da₁₃
unknown number of lines missing

Segment C

¹dam^! lugal-zag-ge₄-si-/da\ /im\-[...]
²nam-munus an-dul₃-ce₃ mu-ni-ba X [...]
³lugal-zag-ge₄-si kij₂-gi₄-a nu-[...]
⁴ja₂-nam-ma sig₄^! e₂-an-na-ce₃; jiri₃ mu-un-/gub\
⁵lugal-zag-ge₄-si cag₄-ga-ni nu-un-/zu\ ugu kij₂-gi₄-a nu-mu-un-dug₄-dug₄
⁶en-na ugu kij₂-gi₄-a na-mu-un-dug₄-dug₄ igi dumu nun ba-an-da-bad
⁷en-e u₈ bi₂-in-dug₄ sahar-ra ba-an-da-tuc
⁸lugal-zag-ge₄-si kij₂-gi₄-a-ar im-ci-in-gi₄
⁹kij₂-gi₄-a car-ru-ki-in gu₂ nu-mu-un-/sig₁₀-sig₁₀\
¹⁰gam-gam-ma-ni car-ru-ki-in /lugal-zag\^?-[ge₄-si ...]
¹¹car-ru-ki-in lugal-/zag\-[ge₄-si ...]
¹²a-na-ac-am₃ /car\-[ru-ki-in ...]

Top | Home This composition: translation | bibliography

Revision history

22.iv.1998-24.iv.1998 : GZ : standardisation
12.v.1998 : JAB : proofreading
17.v.1999 : GZ : minor corrections
17.v.1999 : GZ : SGML tagging
28.v.1999 : ER : proofreading SGML
28.v.1999 : ER : converting to HTML 4.0
7.ix.2001 : ER : header and footer reformatted; substantive content of file not changed