The Electronic Text Corpus of Sumerian Literature
Catalogues: by date | by number | in full | Website info: navigation help | site description | display conventions | recent changes
Project info: consolidated bibliography | about the project | credits and copyright | links This composition: translation | bibliography


Shulgi and Ninlil's Barge (Shulgi R): composite text

1[ma2]-/gur8\ den-ki-ke4 kar he-jal2 nam-ce3 ma-ra-ni-in-/tarar\
2[a]-/a\ den-lil2-le igi zid mu-u3-ci-barar
3nin-zu-u3 dnin-lil2-le u3-tud-zu bi2-in-dug4
4u2!-a zid lugal cul-gi-da a2-zu mu-da-an-aj2
5jectug3 dajal-la-kam sa2 gal mu-u3-ci-in-/pad3\
6sipad-de3 ud ji6-a u3 nu-mu-u3-ci-in-ku4-ku4
7igi-jal2-tuku jic-hur-re kij2-ja2 kug-zu nij2-nam-ma-/ke4\
8jictir gal-gal-la erin gal ma-ra-an-ni-[in-kud]
9me-zu-u3 cu bi2-/du7\ u6-e ba-/an\-gub-/be2-en3\
10tug2? X sig10-ga gu-a tag?-ga-a-zu-u3 ki X X X [X X]-me-en3
11KID.MAH-hal-zu-u3 ud a2-dam kug-ge dajal-bi si?-a?-/me\-en3
12jic-cu-dim2-zu-u3 muc cag4-tur3 sim-dam ak cu-ba nu2-me-en3
13gi-/muc?\-zu-u3 ucumgal ki-nu2-bi-a u3 dug3 ku4-me-en3
14jicmi-ri2-za-zu-u3 muc sig-sig kur-ku cag4 ki tab-ba-me-en3
15giceme-sig-zu-u3 a-ji6 id2buranun kug-ga tec2-ba gun3-gun3-me-en3
16jicu3 jichar-ra KEC2.KEC2-ra2-zu-u3 ki ja2-ar-ja2-ra-bi
17kun-saj pu2? kur-ra si sa2-a jic X X si-si-ig-ga-me-en3
18jicLU kug-zu-u3 he2-jal2 jar-jar-ra-a ki he2-us2-sa-me-en3
19jic-hum-zu-u3 abzu cag4-bi-a /barag\ mah-a ri-a-me-en3
20jicIGI.X-zu-u3 arattax(LAMxKUR.RU.DA)ki /gi16\-sa cu ja2-ar-ja2-ra-me-en3
21ka2 ud ed2-ce3 jal2-la-a?-/zu?\-u3 dnin-UCmucen-a
22umbin-ba nij2 X X mi-ni-ib2?-la2? a2 mu-u3-sud-sud-e
23ac-me kug-sig17-ga gun3-a-zu-u3 kucusan3? il2-la-a-bi
24i3-/ti\ nij2-giri17-zal kur-kur-ra zid-de3-ec2 ed2-a-me-en3
25an-/ti\-bal me nam-lugal-/la\-ka ce-er-ha-an dug4-ga-zu-u3
26tir jicha-cu-ur2-ra a sig ja2-ra jissu dug3-ga-me-en3
27KID.CU2-zu-u3 u2-si-an mul ed2-de3 ni2 huc ri-a-me-en3
28gi-zi di4-di4 pa12-pa12-al il2-la saj sig10-ga-zu-a
29cag4-ba mucen-buru5mucen ambar! kug-gin7 ad mu-ja2-ja2-ja2
30ur5 ca-a-bi du9-du9-u3 dugcakir3-ra-gin7 cag4-ge dug3-ga-bi
31den-lil2 dnin-lil2-ra /hul2?-la?\-gin7 mu-ni-ib2-ja2-ja2-ja2
32/jiczi\-ganan-zu-u3 kij2ku6 mah a tal2-la ka ki-sal4-la-/me\-/en3?\
33[...]-zu-u3 alim ki gal-la ni2 il2-il2-a-me-[en3]
34ec2 (ms: TUG2) ma2-gid2-zu-u3 dnirah dar-a kalam-ma la2-a-/me\-[en3]
35jictargul-zu-u3 ud5-saj an-na KA? i-i-/me\-[en3]
36jicad-us2-zu-u3 ur-saj ur-saj-ra si-sa2 sig10-ga-/me\-[en3]
37ma2-saj-zu-u3 dnanna ur5-ra-ac sag9?-[ga ...]-/me-en3\
38ma2-ejer-zu-u3 dutu an-ur2-/ra?\ [...-me-en3]
39a2?-bur2?-zu-u3 NE JA2? /HA?\ X [...-me-en3]

40sa-gid2-da-[am3]


41ezen kug bi3-lu5-da gal-gal
42sipad zid cul-gi-re ki!-bi-ce3 mu-ja2-ar-ja2-ar
43nibruki-a dijir gal-gal-e-ne a kug mu-tu17-tu17-u3-ec2
44iriki-a nam ki-bi-ce3 mu-tarar-e me zid mu-hal-/hal?\-[e]
45[ama] kalam-ma dnin-lil2 lu2 sag9-ga e2-ta! nam-X [... -ed2]
46[den]-lil2-le ab2-cilam kug-gin7 gu2-da mu-/ni\-[in-la2]
47/barag\ kug-bi dur2 im-mi-in-ja2-re-ec2 nij2 mi-ni-ib2-/gu\-[ul]-gu-ul-ne
48[ma2]-/gur8?\ mah [X X] DU id2idigna-a he2-du7-bi
49[id2] /hal\-hal-la [i3]-kur9-ru X a mul-mul-la? [X X] X X X [X]
50/cita2-saj?-5?\ mitum(/TUKUL?\.[AN]) jic-gid2-[da] cu-nir a /tu5\-[a] igi-ce3 im-da!-X
51ur-saj den-lil2-la2 dnin-urta saj-bi-a mu-jen
52addirx(PA.JISAL.DIRIG./PAD\) dajal-zu-/u3\ jic-u3!-sal4-la-bi-e? si im-sa2-/sa2-e?\
53/ma2-gur8? gi\-dirig kug-ga jicgi-/muc kug?\-bi? [...]
54/lu2?\ addirx(PA.JISAL.DIRIG) la2 cir3 /kug\ [...]
55nin X nam-mah gal-gal-ni mi2 mu?-[...]
56munus zid-da dnin-lil2 hul2-la-e cul-gi mu-[...]
57ki-en-gi urim2ki-e nij2-hul2-la sag9-ga X [...]
58ma2-gur8? kar me-te-a-ji6-a a-ne sud i3-im-[me]
59jic-gi tum-ma-alki den-lil2-la2-ka a2 mu-sud-sud-e
60gud du3-gin7 saj mu-ni-ib2-/il2?\-il2? gu2 mi-ni-ib2-mar-/mar\
61i3-si3 zig3-ga-a gaba im-ra-ra-ra a cu-ninni2 i3-HA.[HA.HA]
62a cag4-ga du-bi engur-ra ku6 /im\-ci-hu-luh-e
63a bar-ra du-bi he2-jal2-e mul-ma-al im-mi-ib2-za
64gi-dirig kug-ge nam am3-us2 nin tum-ma-alki a-ra-zu [X X] X
65ama? /a-a\ den-lil2-la2 an lugal dijir nam tar-re giri17 cu? X mu-ni-[jal2]
66dnin-lil2-da ki jicbunx(KI.BI)-na-ka zag-ge mu-ti-ni-ib2-si-ec2
67cul-gi sipad nidba gal-gal-la-ni mu-ne-ci?-ib2-dib-dib-be2
68ud nam-he-a mi-ni-ib2-zal-zal-ne ji6 i3-im-i-i-ne
69lugal ma2-gur8 kug du8-a-ra nam mu-ni-in-tar-re-ec2
70nam tar-ra-a-bi ul-li2-a-ce3 nij2 saj-ba du-am3
71gaba? kalam-ma-ka ud mu-u3-ja2-ar dutu-u3 dalla bi2-ed2
72ma2-gur8 gaba? [ri]-bi-a nam am3-mi-ib-gu2-un-gu2 gu3?-mur? mu-ca4
73nin-mu-tum2 id2 mu he2-jal2-la-ka a cu ti-a-am3
74ectubku6-bi-e tun3-mu mi-ib2-gun3-gun3-gu2 den-lil2 i3-hul2-le
75muc-u2ku6-e gu3 ja2-ar-ba a-ne mu-e dnin-lil2 i3-hul2-le
76JIC.CEC/ku6-ni?\ ib2 mi-ni-ib2-li-e den-ki i3-hul2-le
77suhur-mac2/ku6\-e sun4-bi mu-u3-sud-e dnanna i3-hul2-le
78X X X a-nun-na im-ci-hul2-hul2-le-ec2
79X [X X] /id2\buranun-na saj mi-ni-ib2-il2-il2 DU mi-ni-X
80/cag4?\ X [...] kur?-ra-am3 a zal tum3!-tum3!-da?
81ma2?-/gur8\ [kug kar-re] mu?-ni-ib2-us2 nibruki hul2-la-a-am3
82d/nin?\-[lil2]-/le?\ X X DU-a-e lugal cul-gi-ra?
83igi /hul2\-la2 saj-ki zalag-ga-na mu-ci-im-bar-bar-re
84sipad X X cul-gi mu gi16-sa lugal ezen-/na?\
85aga [an kug-ge] saj-za mu-ni-in-gen6-na ji6-bi ga-ra-/ab\-[bad]-bad
86jidru kug? den-lil2-le ma-ra-an-cum2-ma-[a] ud-bi ga-ra-ab-sud-sud
87jicgu-za den-ki-/ke4\ saj ha-ba-ra-/rig7\-ga-/a\ suhuc-bi ha-ra-ab-ge-ge-en6
88dnanna amar ban3-da a d[en-lil2-la2] /zid\-de3-ec2 ca?-mu-u3?-tud
89sipad nij2-du7-e pa ed2-a X [X] X A a-la? sug4-am3
90nam-til3-zu-u3 tug2ma6 kug-ju10-/gin7\ bar-ra he2-mi-ni-dul

91sa-jar-ra-am3



Top | Home This composition: translation | bibliography


Revision history

04.xi.1999 : GZ : standardisation
11.ii.2000 : JAB : proofreading
11.iv.2000 : GC : tagging
20.iv.2000 : ER : proofreading SGML
20.iv.2000 : ER : converting to HTML 4.0
7.ix.2001 : ER : header and footer reformatted; substantive content of file not changed