The Electronic Text Corpus of Sumerian Literature
Catalogues: by date | by number | in full | Website info: navigation help | site description | display conventions | recent changes
Project info: consolidated bibliography | about the project | credits and copyright | links This composition: translation | bibliography


A hymn to Hendursanga (Hendursanga A): composite text

SEGMENT A

3 lines missing
4[...] X [...] X [...]
5[...] X X X X [...]
6[...] X igi-jal2 X X [...]
7[dhendur]-/saj\-ja2 me-zu mah-am3 lu2 al /nu\-[um-me]
8[...] /ur3\-bad3-da na ri-/ri\
9saj-cu du3-du3 en /uru16\-e-ne
10ecgiri cu du8 barag-barag-ke4-ne
11utul uj3 lu-a igi il2-il2-i
12nij2-na-ri ji6-a en-nu-uj3 sa9-a-gin7 sila dajal pec-pec-e
13ka2 ud ed2-ba jal2 da13-da13 jicig-bi sila-ba gub-bu
14dhendur-saj-ja2 me-zu mah-am3 lu2 al nu-um-me
15[d]/nin\-dar-a lugal nijin6ki ki nij2-dajal-la-ba CITA5.DU3-bi za-e-me-en
16[dhendur]-/saj\-ja2 jickim mah dnance cu-za im-ma-/gub\
17[in]-/nin\ ama dnance cag4 mu-ti-ni-ib-kuc2-u3
18[X] /sibir\ jidru jic-hur-ra-bi ki sikil-la bi2-in-mu2
19[X] X-zu sila sig9-ga il2-la-ac igi [...]
20[X] kug-zu kar si sa2 jicma2-gur8 sikil-am3 dadag-ga-am3
21in-nin ama dnance ma2-gur8 kug ca-mu-ra-ab-dirig-ga
22cag4-ba nar dug3 nun ca-mu-na-du12-am3
23gana2 zid ki mu-e-jar-ra-zu gig ziz2 gu2-gal-la-am3
24ki nij2-gur11 im-mi-jar-ra-zu e-ri-ne jicasal-a
25pap-zu en ab kug-ga darmucen
26dnin-dar-a lugal lagacki-ra
27ab2-cilam kug-ge i3 mu-na-ab-tum3 ga mu-na-ab-tum3
28iti zag-mu ud sa2-dug4-ga-kam
29dnin-dar-a e2-za nij2-mi2-us2-sa2
30in-nin ama dnance ca-mu-ra-da-ab-ak-e
31id2-zu ku6 kug-jal2 nu-un-dab5 kun-bi nu-sud-e
32a-cag4-zu engar-e nij2-kud la-ba-ab-ak-e
33gud-zu-ta lu2 gud ed3-da-ke4 gud la-ba-ra-ab-ed3-/de3\
34udu-zu-a u2-tul2 nu-un-ku4-ku4 cita5 nu-du3-e
35jicGAD.TAG.DA-za gi nu-gib-/be2\
36jicbunij nij2-silaj-ja2-zu nij2-kud la-ba-ab-ak-e
37nita lu2-la-ga mu-e-ci-nijin2-na a nijin2 mu-na-an-du3-uc
38sila sig9-ga-ba saj cu bi2-du3
39ecemen-ba lul-ce3 im-ta-e-/en\
40saj ug5-ga kur-ra DU.DU-e-da gal5-la2 gal-bi-me-en
41dhendur-saj-ja2 me-zu mah-am3 lu2 al nu-um-me
42dijir lu2-ulu3-ke4 gu7 /naj\-da ca-ra-da-/gub\
43lu2-ulu3 giKID.AC X u3-bi2-in-dab5 cu-na u3-mu-ni-[...]
44mu d/hendur\-saj-ja2-ka um-mi-in-pad3
45sila sig9-[ga] ji6 u3-na-ka si sa2-bi mi-ni-dab5-[be2]
46dub-sar-dub-sar a-ra-li ce3? X zu? ce3? ba-sug2-ge-[ec]
47KA-ba-ta lu2 ud-de3 DU.DU X im-ta-ab-gen6-ne2 [(X)]
48GUR?-ec ur3-bad3-da ki-nu2 /dug3?\-dug3-ge-/en\
49/nijir\-ra 7-na-ne-ne ca-mu-da-sug2-/ge\-[ec?]
50X bad3 kalam-ma-ka ma-ra-ci-nigin2? [...]
51ki?-ba uj3 TAR ma-ra-ra [...]
52[X] hul-jal2 iri-a [...]
53[X] /erim2\-du cag4-jar NE [...]
54[d]/alad3\ igi sag9 dlama [...]
55[X (X)] X nu-du7 d/lama\ [...]
56[...] X X X [...]
11 lines missing
68[...] a X [...]
69[...] X u3? e sila /sig9\-[ga ...]
70[...] bi? a im-mi-tu5 [...]
71[...] /gi?\ kum-ma /NIM?\ X X na [X (X)]
72[...] X ma nu [X] /gur?\-ra
73[X] X gub-ba-ta im-ta-DU.DU-de3-ec
74e-ne-ne-ne en ji6-par3-ra bi2-in-huj-e-ne
75nin-dijir mac2-a im-mi-in-dab5-be2-ne
76gudu4 hi-li-a bi2-in-gub-bu-ne
77ud ne ud te-en-na um-ma-tej4-a-ta
787-ba 1 ka5-a-am3 kun im-ur3-ur3-re
792-kam-ma ur-gir15-gin7 si-im-si-im i3-ak-e
803-kam-ma ugamucen-gin7 za-na gug im-kul-e
814-kam-ma ti8mucen mah ad6 gu7-a-gin7 ka i3-ca-an-ca-ca
825-kam-ma ur-bar-ra nu-me-a sila4 gig2-ga i3-cub
836-kam-ma dnin-cara2mucen-gin7 X X tuc-a-gin7 gu3 mi-ni-ib-ra
847-kam-ma kucu2ku6-am3 a-ji6 im-bu-bu-bu
857-bi-ne dijir munus nu-me-ec u3 nita nu-me-ec
86nita-ra cu mu-un-du3-ne munus-ra a2 mu-un-la2-ne
87munus-ra jictukul da-bi mu-ni-ib-ja2-ja2-ne
88ir-si-im (1 ms. has instead: er2 gig) kalam-ma ba-an-ja2-ja2-ne
89me dijir-re-e-ne cu im-du7-du7-ne
90dhendur-saj-ja2 me-zu mah-am3 lu2 al nu-um-me
91gu2 NE ki kug jar-jar-ra-da
92e2-kur-ra dgibil6 lu2 sikil-la igi-bi-a jal2-la-da
93nin dnin-mug ca-ra-da-gub
94ki-in-du kug-ge jal2 da13-da13-da
95dama-abzu-e2-kur-ra (1 ms. has instead: ddumu-zid-abzu) ca-ra-da-gub
96jicgag e2 kug-ga jal2 da13-da13-da
97dnin-nij2-bun2-na-ra (1 ms. has instead: dnin-JAR.JAR.JAR) ca-ra-da-gub
98ummaki-a ki-ur5-sag9 jar-ra-da
99[d]/nin?\-BI-cu-kal-le ca-ra-da-gub
100arattaki-e cu rib-ba-da
101dlugal!-ban3-da ca-ra-[da]-gub
102nijin6ki kur a-ta il2-la-da
103sukkal AN.NI X ca-ra-da-gub
104X [X] X e? [...]-da
105[...]-/gub?\
approx. 51 lines missing

SEGMENT B

1[...] X X X [...]
2[X X] X X mas-su-bi-[me-en]
3saj gig2-ga CITA5.DU3-bi /za\-[e-me-en]
4saj ug5-ga kur-ra DU.DU-e-bi gal5-[la2 gal-bi-me-en]
5gal nijir sila ur3-ra e-ne dug4-dug4 TAR X [...]
6e2 ku10-ku10-ga-ba saj X X [...]
7ur3-bad3 kalam-ma-ka igi ri-ri
8en dhendur-saj-ja2-ke4 za-e ci-in-ga-me-en-/na\-[(X)]
9den-ki-ke4 lu2? a-a sig9-ga jic3 bi2-in-dug4-ga-ta
10dumu 7-na mu-un-ci-ib-tud-da
11dumu al-lub 7-na-ne-ne
12an-na cag4-jar-bi-ce3 im-ta-ab-gen6-ne2
13ki-a uj3 TAR-bi-ce3 ca-mu-ra-da-ab-us2-e
14utul2 gub-ba-da kac sur-ra-da
15cec gal 7-ba ca-ra-da-gub
16utul2 gub-ba dug kac sur-ra-ta (ms: bi) nij2-kud ca-ra-ab-ak-e
17a id2-da-ta a pu2 gana2-ta
18KA sis-e a gibil-la2-ta
192-kam-ma us2-bi ca-ra-da-gub
20a id2-da-ta a pu2 gana2-ta
21KA sis-e a gibil-la2-ta nij2-kud ca-ra-ab-ak-e
22ku6 tur-tur bur UC gu7-u3-de3
23ku6 gal-gal a-gar3-re DU.DU-e-da
243-kam-ma us2-bi ca-ra-da-gub
25ku6 tur-tur bur UC gu7-u3-de3
26ku6 gal-gal a-gar3-re DU.DU-e-da nij2-/kud\ [ca]-/ra\-ab-ak-e
27id2 kug-ge a si-si-[da]
28kun-bi asil6 la2-[da]
294-kam-ma us2-bi ca-ra-/da\-[gub]
30id2 kug-ge a si-si-[da]
31kun-bi asil6 la2-da nij2-kud ca-ra-[ab-ak-e]
32jicbunij nij2-silaj-ja2 [...]
33jicGAD.TAG.DA ku6 izi tag-[ga-da]
345-kam-ma us2-bi ca-ra-da-[gub]
35jicbunij nij2-silaj-ja2 [...]
36jicGAD.TAG.DA ku6 izi tag-ga-da nij2-kud ca-ra-[ab-ak-e]
37zar du8-a-da ce zar sal-la-[da]
38ce sig9!-ga! jidru-ce3 nu2-a-[da]
396-[kam]-ma us2-bi ca-ra-da-/gub\
40/zar\ du8-a-da ce zar sal-la-da
41ce sig9-ga jidru-ce3 nu2-a-da nij2-kud ca-ra-/ab\-[ak-e]
42pu2 jickiri6 lal3 jectin ja2-[ja2-da]
43jir3-lam kug-ge saj sig10-/ga\-[da]
44[7]-/kam\-ma us2-bi ca-ra-/da\-[gub]
45[pu2 jic]/kiri6\ lal3 jectin /ja2\-[ja2-da]
46[jir3]-/lam\ kug-ge /saj\ [sig10-ga-da nij2-kud ca-ra-ab-ak-e]
unknown no. of lines missing

SEGMENT C

1[X (X)] cu? ub-cu-unken-na-/ka\ [...]
2[za-e]-me-en ki-gub u3-[...]
3lu2-ulu3 dijir-da nu-me-a
4u3 la-ba-gu-ul-e u3 la-ba-tur-re
5uku2 nu-um-me bur-cu-ma [nu-um-me]
6en-te-en-na KA sed la-[...]
7e2-me-ec bar-su cajar la-ba-ni-[...]
8sila-a du-a-ni saj-bi nu-mu-/ni\-[...]
9murub4 unken-na-ka hul nu-mu-ni-[...]
10id2-da ed3-da-bi ku6 nu-dab5-be2
11a-cag4-ga ed3-da-bi mac nu-dab5-be2
12[...] e2-gal lugal-/la\-[ka] /un\-[kur9 kac nu- ... -naj ...]
13/kij2\-gi4-a kac4 ha-ba-ni-in-dug4 sa2 nu-ub-be2
14/dijir\ igi mu-un-ci-bar-ra-ni a2-ni li-[bi2-in-gu-ul-e]
15tukum-bi lu2-ulu3 dijir-ra-a-ni an-na-kam
16[nij2]-sag9-ga-ni im-ma-ci-/in\-[...]
17[lu2]-ulu3-bi lul u3-bi2-in-dug4 i3-[...]
18[X] zid u3-bi2-in-dug4 i3-[...]
19[sila-a] du-a-ni saj-bi mu-ni-/in\-[...]
20[murub4] unken-na-ka hul mu-ni-/in\-[...]
21id2-da un-ed3 ku6 im-ma-/na?\-[... dab5]
22[a]-cag4-ga u3-um-jen mac im-ma-/na?\-[... dab5]
23[e2-gal] lugal-la-ka un-kur9 kac i-im-na8-[na8 ...] u3-mu-un-jar im-X
24[kij2]-gi4-a kac4 ba-ni-in-dug4-ga lu2 ba-an-da-hul2-le
25dijir igi mu-un-ci-bar-ra-ni a2-na bi2-in-gu-ul-e
26ambar-ra tum9-ulu3 ri-a-bi jicma2 la-ba-an-da-su-su
27[i]-gi4-in-[zu] jicgigir-ra ba-da-an-til-e
28a-ab-ba ki nij2-dajal-la-ba ku4-kur idim! um-tag-ge
29i3-ne-ec2 lu2 lu2-ra a-na an-na-an-dug4
30lu2-ulu3 lu2-ra AC a-na an-na-an-tah
(instead of ll. 29-30, one ms. has:
A i3-ne-ec2 dutu [ud] ne-a)

31ud um-zal dutu um-ta-ed2
32dutu ki jic-rin2-na-ka mu-un-gub
33tukum-bi lu2 gud in-sa10-sa10
34dutu dhendur-saj-ja2-ra en3 mu-na-tar-re
35[lu2] gud sa10-sa10-de3 igi-jal2-la-ni nu-mu-na-ab-be2
36tukum-bi dhendur-saj-ja2-ke4 gud sa10-sa10-da mu-na-ab-be2
37dutu tur3-ni du3-a-bi nam im-mi-ib-tar-re
38tukum-bi lu2 udu in-sa10-sa10
39dutu dhendur-saj-ja2-ke4 en3 mu-na-tar-re
40lu2 udu sa10-sa10-de3 igi-jal2-la-ni nu-mu-na-ab-be2
41tukum-bi dhendur-saj-ja2-ke4 udu sa10-sa10-de3 mu-na-ab-be2
42dutu amac nijin2-na-bi nam im-ma-ab-tar-re
43tukum-bi lu2 saj in-sa10-sa10
44dutu dhendur-saj-ja2-ke4 en3 mu-na-tar-re
45lu2 saj sa10-sa10-de3 igi-jal2-la-ni nu-mu-na-ab-be2
46tukum-bi dhendur-saj-ja2-ke4 [saj] sa10-sa10 mu-na-ab-be3
47dutu a2 jic-rin2-na-ka mu-un-na-gen6-ne2
48tukum-bi lu2 dam in-du12-du12
49dutu dhendur-saj-ja2-ke4 en3 mu-na-tar-re
50lu2 dam tuku-tuku igi-jal2-la-ni nu-mu-na-ab-be2
51tukum-bi dhendur-saj-ke4 dam du12-du12-da mu-na-ab-be2
52lu2-ulu3-bi dam in-ga-an-du12-du12 dumu in-ga-an-u3-tud
53e2 in-ga-du3-e ja2 in-ga-ninni2
54nita-bi dam-a-ni dug3-bi mu-un-da-ab-be2
55ki-sikil-bi ama5 nij2-dirig-ga dur2 ki mu-un-ja2-ja2
56i3-ne-ec2 lu2 lu2-ra a-na na-an-dug4
57lu2 lu2-ulu3-ra AC a-na an-na-an-tah
58AN.PA ga-mu-un-TUG2 im-me-ne
59AN.PA ga-mu-un-TUG2 lu2 nam tar-re-da
60gud sam2-a tur3-ra gen6-ne2-de3
61udu sam2-a amac-a dajal-e-de3
62saj sam2-a e2 lugal-la-ni-ta gu2 jic ja2-ja2-de3
63dug 1 sila3-ta a kab2 di-de3
64ugnim igi ka-KEC2 me3-ka
65nijir-e si gu3 um-mi-in-ra
66ur-saj an-edin-na du-a-ni
67nijir ucumgal jiri3-ba zi-zi-de3
68nijir dhendur-saj-ja2-ke4 su-ba zi-zi-de3
69a2 mah nijir-ra-ke4 mi2 dug4-ga cul dutu za3-mi2
70a2 mah dhendur-saj-ja2-ke4 mi2 dug4-ga a-a den-ki za3-[mi2]


Top | translation | bibliography


Revision history

05.i.1999-11.i.1999: JAB : standardisation
07.i.2000 : GZ : proofreading
11.i.2000 : GC : tagging
14.i.2000 : ER : proofreading SGML
14.i.2000 : ER : converting to HTML 4.0
7.ix.2001 : ER : header and footer reformatted; substantive content of file not changed