The Electronic Text Corpus of Sumerian Literature
Catalogues: by date | by number | in full | Website info: navigation help | site description | display conventions | recent changes
Project info: consolidated bibliography | about the project | credits and copyright | links This composition: translation | bibliography

A hymn to Inana (Inana C): composite text

¹in-nin cag₄ gur₄-ra erec u₃-na giri₁₇-zal ^da-nun-na-[ke₄-ne]
²zag dib kur-kur-ra dumu gal ^dsuen-na mah [di nun gal-e-ne]
³erec nam-mah me an ki ur₄-ur₄ an gal-da zag du
⁴dijir gal-gal-e-ne a₂-jal₂-bi-im e-ne [gi]-til-le-bi-ne
⁵inim mah-a-ni-ce₃ ^da-nun-na-ke₄-ne kucu ki mu-un-tag-ge-ne
⁶in-ti-bi an nu-zu-zu a₂ aj₂-ja₂-ni-ce₃ nu-la₂
⁷nij₂-ak-ak-da-ni ab-ci-kur₂-ru jar-bi nij₂ nu-zu
⁸me gal-gal cu du₇ sibir ba-e-dab₅-be₂ saj-kal mah-bi-ne
⁹dijir kalam-ma-ke₄ jic-rab gal-bi cu im-ri-[...]
¹⁰ni₂ gal-a-ni hur-saj gal dul-lu kaskal mu-un-sig₉-sig₉-ge
¹¹za-pa-aj₂ dugud-da-ni-ce₃ dijir kalam-ma-ke₄ ni₂ am₃-ma-ur₄-ru-ne
¹²ur₅ ca₄-a-ni ^da-nun-na gi dili-gin₇ saj mu-da-ab-sig₃-sig₃-ge-ne
¹³dum-dam za-ni-ce₃ kilib₃-ba-bi a₂-ur₂ mu-un-dab₅-be₂-e-ne
^14dinana e-ne-da nu-me-a an gal ka-ac nu-um-bar ^den-lil₂ nam nu-un-tar
¹⁵in-nin saj il₂ kur-ra ab-dirig a-ba saj mu-un-ja₂-ja₂
¹⁶ki ib₂-[...]-ni-ce₃ iri^ki dul-dul-da e₂ lil₂-la₂-[ce₃] uzug e₂-ri-a-ce₃ i₃-jal₂
¹⁷murgu₂-ni u₃-dub₂ su tab₂-e su-mu-ug-ga-[ni] u₁₈-lu lu₂-ra ec₂ la₂
¹⁸suh₃ igi suh₃-sah₄-sah₄ mu-un-sar-re uj₃ lu₂ nu-ce-ga-ni-ir
¹⁹jic-jic-la₂ sul-sul mar-uru₅ hub₂ sar-sar-re su-lim huc gu₂ ed₂
²⁰e-ne di-bi cen-cen me₃ hub₂ sar ak-de₃ nu-kuc₂-u₃ jiri₃-ni ^kuce-sir₂ sig₉-ni
²¹/ud\ huc da-da-ec UR im dalhamun_x(AN.NISABA.(inverted)AN.NISABA) tug₂ nam-nin i₃-dar-dar-/re\
²²/nij₂^?\ tag-ga-ni ga-ba-ra-hum im u₁₈-lu X saj KEC₂ NI X sud^?-sud
^23dinana pirij gi-il-gi-il-la dur₂-ru ni₂ nu-zu TAR.TAR
²⁴pirij-tur hur-saj-ja₂ har-ra-an ku₄-ku₄ gur₅ bur₂ a X X X
²⁵in-nin am gal ne₃ nir-jal₂-ni na-me gaba nu-[X]-/tu\-lu
²⁶[X] saj-kal nun gal-e-ne pu₂ nij₂-/huc\ nu-ce-ga
^27jices₂-ad lu₂ erim₂ jal₂ X X lu₂ kur₂-ra
²⁸ki uc₁₁ cub-ba-ni ud-da-am₃ u₃ ba^?-ra-ah^? ki-in-/DU\ bi₂-in-UD
²⁹lipic bal-a-ni nij₂ LAGAR-e mar-uru₅ cu nu-ru-gu₂
³⁰cita₃-mah nij₂ kur₂ si lu₂ DI [X] lu₂ gu₂ du₃-a gam-gam
³¹in-nin hu-ri₂-in^mucen lu₂ cu nu-bar-re PA BI kur X-dam
^32dinana sur₂-du₃^mucen dijir-re-e-ne tur₃ dajal ^dinana TAR.TAR
³³iri ^dinana saj-ki ba-gid₂-i a-cag₄-bi /in\-[...]
³⁴a-cag₄ in-nin-e X NE [...] ab-sin₂-bi u₂ [...]
³⁵an e-ne-ra saj mu-un-ja₂-[ja₂ ...] nij₂-na nu-mu-un-[...]
³⁶izi ra an-edin-na in-nin UC X [...]
^37dinana X [...]
³⁸in-nin AN [...] X GU^? erin₂-huc X SUL.SUL cen-cen X X X
³⁹MURUB₂-ta [...] X X KA^? ra^? cir₃ mu-un-ja₂-ja₂
⁴⁰[cir₃-bi] jic-hur jar-bi-a SAL^? a bi a NI er₂ u₂ ga nam-uc₂-a
^41dinana [IM X] u₂ ga nam-uc₂-a lu₂ gu₇-bi nu-til-le
⁴²lu₂ nij₂ gu₇-gu₇-da-ni ze₂ mu-un-tab₂-tab₂-be₂ in JAR ka-bi-a mu-un-X X X
⁴³cag₄ hul₂-la-ka-ni cir₃ nam-uc₂-a edin-na mu-un-ja₂-ja₂
⁴⁴cir₃ cag₄-ga-ni ja₂-ja₂-da-ni
^45jictukul-bi uc₂ lugud mu-un-tu₅-tu₅ cag₄ DU^? HI^? IM^? X-ac
^46jic-al-lub saj mu-un-da-sig₃-ge-/ne\ ^jiccukur gu₇-gu₇ ^jic/tukul\ za-ha-da uc₂^? im-/me-re-dul₉-dul₉-lu\
⁴⁷ka hul-bi NE.NE ur-saj X X [X X] X X X
⁴⁸nisaj-bi-a uc₂ in-ga-an-de₂-de₂ nam-uc₂-a sud-/sud\
⁴⁹edin dajal sig-ga ud zalag ku₁₀-ku₁₀ an-bar₇ mul-sig₇-ce₃ mu-un-du₃-X
⁵⁰lu₂-u₃ lu₂-ra igi mu-un-SUH-re inbir igi bi₂-in-du₈-ru
⁵¹gu₃ ri-a-ta edin-ta lu₃-lu₃ ca₃-tum₂ cag₄-sig-ga ja₂-ja₂
⁵²ceg₁₁ gi₄-a-ni ^dickur-gin₇ su kur-kur dub₂-dub₂-bu
⁵³me₃ er₉ ra-a-ni cu nu-ru-gu₂-da a-ba-a mu-na-ab-sig₁₀-ge
⁵⁴cen-cen er₉-a-ni igi nu-bar-re jic-jic-la₂ /SUL.SUL\
⁵⁵a ur₄-ra sur₂ DU ki-a ur₄-ur₄ nij₂-nam nu-da₁₃-da₁₃
⁵⁶in-nin₉ ^jictug₂-sig₁₈ KI.KAL jal₂ da₁₃-da₁₃ bar-re /KA\ X TAR
⁵⁷lu₂ ka tar-ra-bi gu₂-bi nu-zi-zi jiri₃^? X X
⁵⁸cag₄ gur₄-ra-ni dim₂-dim₂-ma-ni ab-ak in-nin ac-a-ni [X] /dim₂^?\
⁵⁹mah di unken-/na\ zag gal ba-e-dur₂-ru zid-da gab₂-bu BAD
⁶⁰hur-saj gal an-ba-gin₇ pe-el-la₂ cu X X mu-la₂
⁶¹bir kur-ra ud ed₂-ta ud /cu₂\-uc [...] X X tum₂-tum₂-mu
^62dinana bad₃ ^na₄gul-/gul\ [...] X u₃-ma sa₂ di
^63na₄kalag-ga utul₂-gin₇ /mu^?\ [X] X ra i₃ udu-gin₇ mu-ni-in-du₃-e
⁶⁴in-nin giri₁₇-zal jiri₂ ur₃-ra cu jal₂-le su-lim kalam-ma dul-lu
⁶⁵sa la₂-a-ni engur-ra ku₆ dub-ba KU^? BI X X X a-ha-an /nu\-[X]-X
⁶⁶mucen-du₃ kug zu-gin₇ igi te-en sa la₂-a-ni mucen nu-ed₂
⁶⁷ki ur₅-ra-ni sukud nu-X [X] X KA si nu-sa₂
⁶⁸ir IM ri-ri TUG₂ jic-hur an-ki
⁶⁹sig₁₀-ge₅ /ak\ inim-ma-ni an nu-mu-na-HAR
⁷⁰jalga /suh₃ pu\-uh₃-ru-um dijir gal-gal-e-ne jar-bi nij₂ nu-zu
⁷¹cu AC zi^? an-na /cu\ [...]-a ha-za
⁷²MUC₃ AN /AB^?\ X nam X CUM₂ [X X] X la AN nu-X [X]
⁷³in-nin pirij-tur ^da-nun-<na>-ke₄-ne gaba til nir cum₂-ma
⁷⁴BIL₂-tab inbir X-ja₂ nu-tuku ^dinana mu-ja₂-ja₂ lu₂ mu-X
⁷⁵ki-sikil tur ama₅-na ha X [X] X X cu tej₃-ja₂ cag₄ la-la [X X]
⁷⁶munus zag tag-ga-ni hul-bi bi₂-in-/KA^?\ [...]
⁷⁷NIJIN kalam-ma-ka IB₂-gal mu-na-RU^?-/uc\ [...]
⁷⁸tilla₂-a cu al-dag-dag-ge X [...]
⁷⁹zi-in-BU e₂-a dam dumu-ni igi bi₂-in-/du₈\
⁸⁰nir-da gu-la-ni su-ni-ta u₃-mu-e-ni-in-jar
⁸¹ugu-ba giri₁₇ cu jal₂-la mu-ni-in-ak pi-li-pi-li mu-ni-in-sa₄
^82jiccukur i-ni-kud nitah-gin₇ cag₄-ga-ni ^jictukul an-na-ab-cum₂-mu
⁸³KAL cul-a-lum u₃-mu-ni-in-ak tec₂-bi NI TE a me-bi^? la-ba-jal₂-la
⁸⁴e₂ nam-kug zu ^jicig-bi TAR mi-ni-in-ak cag₄-bi mu-un-zu-zu
⁸⁵sa la₂-ni-ir ni₂ nu-zu-ni-ir igi te-en sa la₂-a-ni [X X] X-ba nu-ed₂
⁸⁶lu₂ mu pad₃-da-ni nu-mu-na-kal-la munus-ra u₃-mu-na-tej₃ ^jictukul i-ni-in-kud ^jiccukur an-na-ab-cum₂-mu
⁸⁷lu₂ jic-gi-saj-KEC₂ ni₂-su-ub munus jic-gi cul-a-lum u₃-mu-ni-in-ak ce ca₄ UD [...]
⁸⁸lu₂ al-ed₂-de₃ pi-li-pi-li bal kur-jar-ra /saj\-ur-saj-e-ne [...]
⁸⁹i-lu cir₃-ra-am₃ RI^? a zu^? bar NE [...]
⁹⁰er₂ er₂-ra bi₂-ib₂-kuc₂-u₃-ne a-nir mu-X-[...]
⁹¹er₂ ud-da cag₄-zu nu-X X X X AN-da nu-DI
⁹²muc₃-am₃ e₂^? cag₄ NE buru₂ X /ni₂\ dub₂-bu nu-zu
⁹³nin ki aj₂ an kug-ga HAR-zu igi mu-e-ni-X [(X)] X-za er₂-ra X e
⁹⁴an-na me DI X [...]
⁹⁵gaba-za ki mu-[...]-za nu-mu-e-da-sa₂
⁹⁶dili-zu-ne mah X mu e-da^!-tuku an ki nij₂-za nu-sig₉-ge
⁹⁷an-da ^den-lil₂-da mu-e-da^!-sa₂ zag gal-bi mu-e-dur₂-ru-e^?
98ki-cu-ki-cu-pec dirig-ga-me-en in-di-za mah-me-/en\
^99dacnan AN X barag mah il₂ X [...]
^100dickur-re lu₂ an-ta gu₃ X [...]
¹⁰¹dungu sir₂-sir₂-ra-ni mu-e-/da\-[...]
¹⁰²ud me gal-gal an ki-bi-da cu mu-/un\-[...]
^103dinana u₃-ma-zu huc-am₃ cag₄ X X X [...] X
^104da-nun-na giri₁₇-bi gam-e-ec giri₁₇ ba-e-dur₂-ru-ne-ec
¹⁰⁵ur gal-gal imin-bi ba-e-u₅ an-na ba-e-ed₂-de₃
¹⁰⁶an gal-e muc₃-za ni₂ bi₂-tej₃ ki-tuc-zu im-mi-hu-luh
¹⁰⁷ki-tuc an gal-la-ke₄ dur₂ ba^?-e^?-jar su nu-mu-e-da-zi-zi
¹⁰⁸jarza₂ mah jarza gal-/gal\ cu-zu ga-mu-un-si
¹⁰⁹dijir gal-e-ne giri₁₇ ki-a bi₂-in-su-ub-bu-uc cu kij₂ mu-un-dab₅-be₂-ec
¹¹⁰kur un₃-na kur ^na₄/gug\ ^na₄za-gin₃-na giri₁₇ ki-ce₃ mu-ra-an-tej₃
¹¹¹ebih^ki giri₁₇ ki-ce₃ nu-mu-ra-an-tej₃ cu nu-mu-ra-mu₂-mu₂
¹¹²kurku₂-gin₇ ib₂-ba si-il-la-za ud-gin₇ ib₂-ra-ra
¹¹³nin an ^den-lil₂-da dirig-ga jiri₃ X X X i-i
¹¹⁴za-e-da nu-me-a nam-nam-ma nu-un-tar sa₂ galam nu-ce
¹¹⁵kac₄ kar-re te-en-te-en ni₂ dub₂-bu-de₃ ^dinana za-a-kam
¹¹⁶[X] X ul₄-ul₄ zi-zi LAGABxX an-ta sa₂-sa₂-de₃ (1 ms. has, in syllabic spelling: ur-ru-ur ul-lu-ul zi-iz-zi gu-ru-da₁₀ an-ta si-si-te) ^dinana za-a-kam
¹¹⁷ [har]-/ra\-an he₂-en-<du> taka₄ jiri₃ dib ki silim-ma dili us₂ dim₃-ma (1 bilingual ms. has, in Akkadian: ^{pe₂-te ur-hi-im u₃ ¿u₂-di-im i-me₂-te-qi₂-im a-car cu-ul-mi-im ta-pu-ut u₂-la-li a-la-kum}) ^dinana za-a-kam
¹¹⁸jiri₃ us₂ ka jiri₃ si sa₂-sa₂-de₃ ki dar ge-en-ge-en ^dinana za-a kam
¹¹⁹gul-lu dim₂-me zi-zi ja₂-ja₂ ^dinana za-a-kam
¹²⁰[nitah] munus-ra munus nitah-ra ku₄-ku₄-de₃ ^dinana za-kam
¹²¹la-la cag₄ zig₃-ga nij₂ cu jal₂ e₂^? nij₂ gu₂ ja₂-ja₂ ^dinana za-a-kam
¹²²dun sa₅ bur₂ kug bal kug dirig ^dinana za-a-[kam]
¹²³kug dun kug a₂ tuku i-bi₂-za kug im-ba ^dinana za-a-kam
¹²⁴igi KAR₂ (1 ms. has instead: nij₂-nam) (1 bilingual ms. has, in Akkadian: ^{ta-ak-li-im-tum}) igi KAR₂ (1 bilingual ms. has, in Akkadian: ^ta-ki-ir-tum) igi kar₂-kar₂ (1 bilingual ms. has, in Akkadian: ^ta-ce-er-tum) igi zil₂-bi (1 ms. has instead: igi bar ZALAG.ZALAG-bi^{za-al-za-le-bi} (1 bilingual ms. has, in Akkadian: ^{na-ap-lu-su-um du-um-mu-qu₂-um}) ^dinana za-a-kam
¹²⁵me tec₂ ^dalad ^dlama ki cu pec₁₁ zu ^d/inana\ [za-a-kam]
¹²⁶cu bal ab-ak an-ta X X [...]
¹²⁷ze₂ mu ug X X ba X [...]
¹²⁸KA X X zag tag-/ga\ [...]
¹²⁹DI^? X [...]
¹³⁰X [...]
¹³¹[... ^dinana] za-a-[kam]
¹³²[...] X X X cag₄ gur cag₄ cu ninni₂ ^d[inana] [za-a-kam]
¹³³[...] X GUD-bi nam^?-bi GABA X X X [...] ^dinana za-a-kam
¹³⁴cag₄^? X tuk₄-e im-ba-X im-ba-sur /im\-ba-X X X ^dinana za-a-kam
¹³⁵dam-dam tuku UR-bi LU nij₂-dug₃ ki aj₂-ja₂ dug₃^{? d}inana za-a-kam
¹³⁶hi-li-hi-li-a sun₇-na DI.DI ^dinana za-a-kam
¹³⁷gum₂-gum₂ jar-jar-jar (1 bilingual ms. has, in Akkadian: ^{te-em-ku-u₂ te-ek-nu-u₂}) il₂ gu₂ zig₃ gam-gam ^dinana za-a-kam
¹³⁸e₂ du₃-a ama₅ dim₂-me nij₂-gu₂-na tuku-tuku nundun dim₃ sag₉ (1 bilingual ms. has, in Akkadian: ^na-ca-qum) ^dinana za-kam
¹³⁹dug₃ bad dug₃ kac₄ [X] /ni₂\ sig₁₀-sig₁₀-ge sa₂ did-de₃ ^dinana za-kam
¹⁴⁰hu-ru kalag-ga lu₂-gam-ma lu₂-sig-ga car₂-car₂ ^dinana za-kam
¹⁴¹il₂-la₂ du₅-la₂ saj il₂-la₂ ib₂-ba-la₂ car₂-car₂ ^dinana za-kam
¹⁴²aga ^jicgu-za ^jicjidru nam-lugal cum₂-mu ^dinana za-kam
12 lines missing
¹⁵⁵tur mah sig dajal gu₂ cu dajal tag-ga ^dinana za-a-kam
¹⁵⁶jarza^!(PA.<AN>) jarza₂ cum₂-mu a₂-bi aj₂-ja₂ tum₂-tum₂-mu
¹⁵⁷eme sig inim a-ca-an-ga-ra KA e₂-gal kur₂ dug₄-ga tah dug₄-dug₄ ^dinana za-a-kam
¹⁵⁸ba-an-gi₄ lul zid bi-ri-ig nij₂-a₂-zig₃ dug₄-dug₄
¹⁵⁹a-tar la₂-la₂ nij₂-kur₂ dug₄-dug₄ zu₂ li₂ pe-el dugud
¹⁶⁰kana₆ nij₂-gig-ga cag₄ hul gig hul (1 bilingual ms. has, in Akkadian: ^hu-du-um) zalag-ga ku₁₀-ku₁₀
¹⁶¹ni₂-am₃ ur₄-re ni₂-/ul₄\ ni₂-/ri\-til₃-la ni₂ gal me-lem₄-ma
¹⁶²u₃-ma nij₂-X X (1 bilingual ms. has, in Akkadian: ^re-du-um) im-ba-sur igi lib u₃ nu-ku
¹⁶³gu₂ jar saj jar NIJ₂ bir da^? NI IM^? JIR₂ KA til₄-a
¹⁶⁴du₁₄ igi suh₃-[sah₄] /gaba^?\-ri erim-huc jic-jic-la₂ SUL.SUL
¹⁶⁵NI KAB naj X X X X nij₂-nam-ma zu-zu
¹⁶⁶gud₃ X RI us₂-sa X ul-li₂-a-ac gen₆-ne₂
¹⁶⁷a-ri-a X cag₄-tur₃-gin₇ X ni₂ ri-a-X /gu₂\ bar /gu₂\ ja₂-ja₂
¹⁶⁸DI X X [X] hul gig X X X X-am₃^? KEC₂ X X X (X) [^d]inana za-a-kam
^169jiccub X X X X [X X] X ub^? [X] X
¹⁷⁰uj₃ [sag₂ dug₄-ga] gu₂ jar-jar ki-bi-ce₃ gi₄-gi₄
¹⁷¹[...] X cu tij₄-ja₂ X X NE X
¹⁷²[...]-du₈-u₃ ^dinana za-a-[kam]
¹⁷³[...] X X AN [...]
¹⁷⁴X X [...] lu₂-kac₄-e-ne
¹⁷⁵ka ba-zu cu X X [X]-ra ba-an-kur₉
¹⁷⁶igi bar-ra-zu jectug₂ la₂ jic tuku-uc nu-ci-bad-ba₉-re₆
¹⁷⁷igi suh-a-zu dadag-ga ku₁₀-ku₁₀ an-bar₇ mul-sig₇-ce₃ mu-un-ja₂-ja₂
¹⁷⁸ki cag₄-zu ud mi-[ni]-ib-dug₄-ga-ac mu-un-gul ki mu-/un\-dub₂-bu nij₂-zu nij₂ nu-sig₁₁
¹⁷⁹nij₂ gal-gal-zu a-ba saj mu-un-ja₂-ja₂ za-e nin an ki-me-en
^180dinana e₂-gal kadra nu-di-kud uj₃ car₂-ra ka ec-bar X X X
¹⁸¹mu pad₃-da-zu kur-ra ab-dirig an X-za nu-mu-un-da-sa₂
¹⁸²jectug₂-ga ri-a-zu nijin dijir-re-e-ne igi cub-ba MI X dili-zu-u₃-de₃ mah-me-en
¹⁸³dijir an ki-a a-na me-a-bi cilam gal-bi-me-en
¹⁸⁴igi il₂-la-zu lib-bar mu-un-ak-e-ne inim-zu-ce₃ i₃-dur₂-ru-ne-ec
¹⁸⁵ki za til₃-la-za ^da-nun-na al-sug₂-ge-ec inim mu-un-da-sag₉-sag₉-ge-ne
¹⁸⁶ni₂ gal KA ka-tar X X X X-ce₃ TUG₂ gaba-nir mu-un-til₃-le-ne
¹⁸⁷ka-tar si-il-la-zu ba-ra-mu-un-til-le me-a mu-zu X mah-nu
9 lines missing
¹⁹⁷en₃-du-zu zarah a-nir X X-da cag₄ X X IGI X [...]
¹⁹⁸DI.DI-zu cu bal-a nu-ub-zu ib₂-ba-zu zukum-ma
¹⁹⁹cu dug₄-ga-zu nij₂ cu nu-HE₂-X a₂ aj₂-ja₂ du₃-du₃-a-zu an nu-mu-un-na-an-la₂
²⁰⁰an-da ^den-lil₂-da lu₂-zu-a unken-na gal-gal X munus saj-e-ec mu-e-rig₇
²⁰¹ka-tec₂ an ^den-lil₂ mu-e-X X gi kalam cu-zu-uc dab₅ X
²⁰²inim bi₂-in-dug₄-ga-zu an nu-mu-un-na-an-gi₄
²⁰³he₂-am₃ dug₄-ga-zu an gal nu-[mu]-/un\-na-an-bur₂
²⁰⁴he₂-am₃-zu he₂-am₃ gul-lu [X (X X)] gul-lu
²⁰⁵gi₄ unken-na bi₂-in-dug₄-ga-/zu\ an ^den-lil₂ nu-sag₂
²⁰⁶ec-bar ab-bi bi₂-in-dug₄-ga-/zu\ an ki-ta nu-kur₂-ru
²⁰⁷ki he₂-am₃ bi₂-in-dug₄ gul-lu nu-DI
²⁰⁸ki gul-la bi₂-in-dug₄ he₂-am₃ nu-DI
²⁰⁹nam-dijir-zu ^dnanna ^dutu-gin₇ an kug-ge dalla ed₂
²¹⁰igi-jar-zu ub an-na zalag-ge ku₁₀-ku₁₀ zalag-ge-ec₂ jar
²¹¹UC SAL-bi gu AC gu₂-ri ed₂ /AK^?\ nij₂ ud-da-ka-ni X-zu-ce₃ izi ib₂-ta-la₂
²¹²[X] car₂-ra-zu kur₇ ak-da-bi ^dutu-gin₇ igi-zu-ce₃ i₃-dib-be₂
²¹³me kal-kal-la-za cu nu-TU.TU me kilib₃ X X-ce₃ i₃-dib-be₂
²¹⁴an ki til-bi-ce₃ nam-nin-bi mu-e-ak nij₂-nam cu mu-e-du₈
²¹⁵in-nin za-e mah-me-en igi-zu-ce₃ na-me nu-dib-be₂
²¹⁶an gal-da [ki]-nu₂ kug-ga mu-e-til
²¹⁷dijir a-ba za-gin₇ ur₄ an ki ur₄-ur₄
²¹⁸za-e mah-me-en mu-zu ar₂-re-ec e dili-zu-ne mah-me-en
²¹⁹en-he₂-du₇-an-na-me-<en> zirru
²²⁰DIC X [...] X ^dnanna-me-en
²²¹X X [...]
20 lines missing
²⁴²X [...]
²⁴³jalga [...]
²⁴⁴cag₄ hul gig nij₂-gig-ga X [...] muc₃-am₃ mu-[...]
²⁴⁵nin-ju₁₀ ud en-nam arhuc ja₂ [...] cag₄-ne-ca₄ X X X X
²⁴⁶je₂₆-e za-kam ne-e a-na-am₃ i₃-til-le cag₄-zu ha-ma-sed-de₃
²⁴⁷jectug₂-ga ri-a-zu cag₄-ne-ca₄ mu-[...]
²⁴⁸igi-zu-ce₃ he₂-bi₂-ib-X X igi KAR₂.KAR₂-ju₁₀ he₂-jal₂
²⁴⁹nam-dijir-zu kalam-e pa bi₂-a-ed₂
²⁵⁰nir-da gu-la-zu su-ju₁₀ ba-e-zu-zu
²⁵¹a-nir nij₂-gig-ga igi MA-lib la-ra-ah si-il A AN ta
²⁵²arhuc cag₄-ne-ca₄ igi bar-bar cag₄-gur-ru giri₁₇ cu jal₂ za-a-kam
²⁵³ud a ra-ah KI.KAL jal₂ da₁₃-da₁₃ ku₁₀-ku₁₉ zalag-ge-ec jar
²⁵⁴nin-ju₁₀ nam-mah-zu kur-kur-ra ka-tar-zu ga-si-il
²⁵⁵a-ra₂ nam-gur₄-ra-zu me-tec₂ hu-mu-i-i
²⁵⁶za-e nam-dijir-zu a-ba e-da-sa₂
²⁵⁷jarza-zu-ce₃ a-ba-a mu-un-na-sig₁₀-ge
²⁵⁸an gal ki-aj₂-zu muc₃-am₃-zu he₂-eb-be₂
²⁵⁹dijir gal-gal-e-ne ur₅-zu he₂-bi₂-ib₂-huj-[je₂₆-ne]
²⁶⁰barag za-gin₃ nam-nin-a tum₂-ma tu-tu-zu X he₂-X X X X
²⁶¹ki-tuc nam-mah-zu tuc-a hu-mu-ra-ab-be₂
²⁶²ki-nu₂ kug-ga-zu ni₂ /dub₂-bu\ hu-mu-ra-ab-be₂
²⁶³nam-X-zu ki ^dutu ed₂-a UN^? cag₄^? [X] X si-il-[i]
²⁶⁴nam-mah-zu ci-im-pad₃-pad₃-de₃-ne za-e nin-ab-bi-me-en
²⁶⁵an ^den-lil₂ an kilib₃-ba-bi nam gal mu-ri-in-tar-re-ec
²⁶⁶nam-nin gu₂-en-na ma-ra-an-cum₂-mu-uc
²⁶⁷nin₉ nin-e-ne nam nam-ma-tar-re nam-nin-a tum₂-ma
²⁶⁸in-nin za-e mah-me-en za-e gur₄-ra-me-en
^269dinana za-e mah-me-en za-e gur₄-ra-me-en
²⁷⁰nin-ju₁₀ nam-mah-zu pa bi₂-a-ed₂
²⁷¹cag₄-zu ki-bi ha-ma-gi₄-gi₄
²⁷²nij₂ gal-gal-zu nij₂ zag nu-sa₂
²⁷³nam-mah-zu me-tec₂ hu-mu-i-i
²⁷⁴ki-sikil ^dinana za₃-mi₂-zu dug₃-ga-am₃

Top | translation | bibliography

Revision history

03.ii.1999-04.iii.1999 : GC : standardisation
8.v.1999-30.vi.1999 : JAB : proofreading
13.x.1999 : GZ : SGML tagging
20.iv.2000 : ER : proofreading SGML
20.iv.2000 : ER : converting to HTML 4.0
7.ix.2001 : ER : header and footer reformatted; substantive content of file not changed