The message of Lu-dingira to his mother: composite text

¹lu₂-kac₄-e lugal-la har-ra-an-na jen-na
²nibru^ki ga-e-gi₄ inim-bi dug₄-ba-ab
³kaskal su₃-ra₂ i-im-du-de₃-[en]
⁴ama-ju₁₀ mud-am₃ u₃ nu-mu-ni-/ku^?\-[ku] (1 ms. has instead: u₃ DU-da u₃ ku-ku-ba)
⁵ama₅-a-ni (1 ms. has instead: ama₅ saj-gi₄-a) ka-jiri₃ al-gib-ba
⁶lu₂ du kaskal-la (1 ms. has instead: har-ra-an-na) silim-ma-ju₁₀ en₃ al-tar-tar-re (1 ms. has instead: nu-tar-tar-re)
⁷u₃-na-a-dug₄ silim-ma-ju₁₀ cu-ni-ce₃ jar-i₃
⁸ama-ju₁₀ hul₂-hul₂-la-am₃ ce-er-ka-an mi-ri-in-dug₄-ga
⁹tukum-bi ama-ju₁₀ nu-e-zu jickim ga-mu-ra-ab-cum₂
¹⁰mu-bi ca-at-ec₄-tar₂ (1 ms. has instead: ci^!-ma^!-at-ec₄-tar₂) inim-bi-ta (some mss. have instead:SAL-bi-ta) TE E MU
¹¹alan muc₂-a me-dim₂ bar cu-ta jar-ra
¹²dijir sag₉-ga dag-gi₄-a-ka-ni
¹³ud tur-ra-ni-ta nam-ma-ni tar-ra-am₃
¹⁴ne₃ ni-te-am₃ e₂ ucbar-ra-ni si-sa₂ mu-un-ak
¹⁵dijir nin-a-ni-ce₃ sun₅-na-ce₃ gub-ba
¹⁶ki ^dinana-ke₄ kij₂-kij₂ mu-un-zu
¹⁷inim lugal-la-ke₄ (1 ms. has instead: gu₃-de₂ lugal) inim-bi li-bi-gu-ul-e
¹⁸cu dim₄-ma-am₃ nij₂-gur₁₁ mu-un-car₂-car₂
¹⁹ki aj₂ mi₂ dug₄-ga zi-cag₄-jal₂-la-am₃
²⁰sila₄ i₃ dug₃-ga lal₃ i₃-nun zal-le cag₄-ga-ke₄
²¹jickim ama-ju₁₀ 2-kam-ma ga-mu-ra-ab-cum₂
²²ama-ju₁₀ su₃-ra₂-aj₂-gin₇ an-na (1 ms. has instead: an-ur₂-ra) lu-lim hur-saj-ja₂
²³mul a₂-gu₂-zig₃-ga ud-sa₉ dajal-la-ke₄ (1 ms. has instead: ud-ud ja₂-ja₂)
²⁴^na₄gug kal-la ^na₄du₈-ci-a mar-ha-ci^ki
²⁵gi₁₆-sa cec lugal hi-li du₈-du₈-a
²⁶^na₄kicib nir₂-a ^dutu-gin₇ he₂-du₇-a (1 ms. has instead: gi₁₆ ^na₄gug-am₃ hul₂ he₂-du₇-a) (1 ms. has instead: X gi₄ DU gug ^na₄nir₂ he₂-du₇-a) (1 ms. has instead: gi₁₆-gi₁₆-/sa\ [...]-/am₃ hul₂ sig₇\-ga-a)
²⁷har nagga cu-gur an-ta-sur-ra
²⁸lagab kug-sig₁₇ kug-babbar zalag-ga-kam
²⁹[nij₂]-zi-jal₂ nij₂-zi pa ed₂ zi bur₂ HUR.HUR (1 ms. has instead: ^jicpu₂ e^? zal-le nij₂-zi-pa-an^ag₂-pa-an^ag₂) (1 ms. has instead: [...] /NE\ ki X [...])
³⁰^dlama ^na₄jic-nu₁₁-gal ki-gal ^na₄za-gin₃-na gub-ba-am₃
³¹dim₃-ma zu₂ til-la (2 mss. have instead: dim₃-ma til₃-la) hi-li cu-jiri₃ gur₃-ru-a (1 ms. has instead: ul mac nij₂-ur₂-re) (1 ms. has instead: ul^{ul-$u₂-u₂} gur₃-ra)
³²jickim ama-ju₁₀ 3-kam-ma ga-mu-ra-ab-cum₂
³³ama-ju₁₀ cej_x(IM.A.AN) an-na (1 ms. has instead: ud-a₂-ba) a numun saj-ja₂-ke₄
³⁴buru₁₄ he₂-nun ce gu-nu mu₂-a (1 ms. has instead: ce^! ba-til-la gu-nu dirig) (1 ms. has instead: gur₅-gu₂ X an-na) (1 ms. has instead: bu-lu-ug ba-til gu₂ [...])
³⁵^jickiri₆ me-a (1 ms. has instead: la-la) i-si-ic la₂-la₂-e (1 ms. has instead: asil-la₂ si-a)
³⁶^jicu₃-suh₅ a de₂-a ^jicli (1 ms. has instead: ^jicce u₃-suh₅) cu tag-ga
³⁷gurun zag mu-a nij₂-tu-hu-um (1 ms. has instead: u₂- ^jickiri₆) nesaj-ja₂
³⁸pa₅-cita₃ mu₂-sar-re a hi-li-a de₆-a
³⁹zu₂-lum dilmun-na ku₇-ku₇ zu₂-lum saj kij₂-kij₂-e
⁴⁰jickim ama-ju₁₀ 4-kam-ma ga-mu-ra-ab-cum₂
⁴¹ama-ju₁₀ ezen sizkur₂-re asil-la₂ si-a
⁴²sizkur₂ (1 ms. has instead: ezen) a₂-ki-tum igi du₈-de₃ huc-a
⁴³LU.LU.GU.NA (1 ms. has instead: LU.LI.GU₂.NA) (1 ms. has instead: LU./LU.BU\.NA) dumu (1 ms. has instead: dumu-munus) lugal-la i-lu he₂-jal₂-la-kam
⁴⁴ki-e-ne-di hul₂-hul₂-le jar-ra
(1 ms. adds the line:^44A[...] gurun he₂-/jal₂\ [...])
⁴⁵ki aj₂ cag₄ ki aj₂ la-la nu-gi₄-gi₄-da
⁴⁶inim de₆-a lu₂-nam-ra ama-ni-ce₃ (1 ms. has instead: giri₁₇-zal-ce₃) gur-ra-am₃
⁴⁷jickim ama-ju₁₀ 5-kam-ma ga-mu-ra-ab-cum₂
⁴⁸ama-ju₁₀ ^jicjicnimbar ir-si-im dug₃-dug₃-ga
⁴⁹gigir cim-li ^jicmar-cum ^jictackarin
⁵⁰tug₂ sag₉-/ga\ (1 ms. has instead: CE₃ UD dug₃-ga) i₃ gu-la ak-a
⁵¹ga-ra-an he₂-me-du gu₂ me-er-me-er-re-da (1 ms. has instead: gu₂ me-er-me-re-de₃ du₇)
⁵² (1 ms. adds: ama-gu₁₀) ^dugcajan nunuz ga-nu₁₁^mucen i₃ saj (1 ms. has instead: cim) cag₄-bi dirig (1 ms. has instead: cag₄ bi₂-si)
(1 ms. adds 2 lines:^52Amunus sag₉-ga ^dlama tuku-a mu-X [...]
^52Bmunus ^da-ru-ru arhuc mu-ra-an-cum₂ [...] u₂-tud [...])
⁵³jickim a-ra-dug₄-ga-ju₁₀ igi dalla-bi gub-za
⁵⁴^mlu₂-dijir-ra dumu ki aj₂-zu silim-ma e-ne-ra dug₄-na
(instead of ll. 53-54, 1 ms. has:
^A/jickim\ [a-ra-dug₄]-/ga\-ju₁₀ ulutim₂ an-cum₂
^Bmunus sag₉^!-sag₉^! ^dlama-^dlama tuku-am₃ e-ne-am₃^! ama-ju₁₀
^Cjectug jal₂-la ce-en hul₂^!-le-ec DU-mu-un^?
^D^mlu₂-dijir-ra dumu ki aj₂-ja₂-zu /silim^?-ma^?\ [...] CUM₂^? GI₄
^E[(...)] /e\-ne-ra /dug₄\-[...]
^FX X /NE^?\ ga-mu-cum₂ X [...])

Top | translation | bibliography

Revision history

26.v.2000 : GZ : standardisation
30.ix.2000 : JAB : proofreading
04.x.2000 : GC : tagging
13.x.2000 : ER : proofreading SGML
13.x.2000 : ER : converting to HTML 4.0
7.ix.2001 : ER : header and footer reformatted; substantive content of file not changed